Yɩɩ nə bʋ̀rɩ̀ ləzoni mɛ bʋra
82
1 Azafə gwaran.
Yɩɩ zàn ʋ zɩga Yɩɩ púlí wa,
ʋ bʋ̀rɩ̀ bʋra, yɩa titəŋi wa.
2 Á wá bʋ̀rɩ̀ kʋ̀nkʋ̀n bʋra,
á pa cɩ́gá wʋlʋnyɩna nə,
kʋ dán kʋ mɛ nətə? Zɩgɩ sìí bwálɩ́
3 Á bʋra á pa labwanʋ də bitarʋ mʋ̀ʋ́ nə,
á bʋra á pa cɩ́gá yinənyiən də lalaŋʋ nə.
4 Á joŋə labwanʋ də zʋrʋ, á pa ba tɩnɩ ba tɩ̀àn,
á joŋə ba wʋlʋnyɩna jɩɩn wa.
5 Á ba yənu jə, á yəri yoo də̀ń,
á yɩ á wulə yikunu wa, á tɩtɛ,
yá tɩa tə dəkurən mama vuvugə.
6 À yà swɩ̀n də, á yɩ yɩa,
á mama yɩ Baan Yɩɩ tə bɩ̀á.
7 Yá á wá tɩ, ndə ləzoni nə,
á wá tʋ, ndə pabiu mama nə twɩ nətʋ.
8 Zàn yɩɩ nə, ooo à tíú Yɩɩ,
n bʋ̀rɩ̀ tɩa tə bʋra!
Cɩ́gá, dwíə́ nəkaran* tə mama yɩ n mʋ̀ nə tɩ.