Yɩɩ pɩn kʋ̀ʋ̀ zwɛ̀ Siyon nə
76
1 Gwàgá yáá tíú gwaran, ba nə nuŋə də gwaran zɩla, ba nə san də ŋoni. Asafə gwaran. Nuŋə.
2 Yɩɩ pɩn ba lwarɩ wá Zwida lʋʋ nii wa,
ʋ yɩrɩ ga nan Yɩzərayɛlə wa.
3 Ʋ sìlí wulə Salɛmə nə,
yá ʋ dìə̀ ga wulə Siyon nə.
4 Mə bwálɩ́ təntə wa nə,
ʋ kɛ́n kwatarɩ zɩla tə nə yɩ natanɩ,
də kwatara sɩ̀án, də cwiən. Zɩgɩ sìí bwálɩ́.
5 N poni də n zəni dáá
tə doni pɛɛn tə nə wulə máŋá mama wuuu!
6 Ba jɩn ba mʋ̀ kwatara babɩran tə,
ndə wiən nə ba nə ta ba jon kʋ̀ʋ̀ wa.
Ba tɩga ndə ba dwɛ̀.
Kwatarʋ nədʋ tətə wà wànɩ́ ʋ ta ʋ jon ʋ tɩ̀àn.
7 Zwakɔbə Yɩɩ, n nə caga ba nii nə tə pɩn
fən gən səsen, də səsədɩra.
8 N mʋ̀ nə ba kamandon jə!
Wàà nə wàá n yáá con ʋ zɩga,
də n lɩŋa nə zàn?
9 N zɩgɩ lanworu tə wa n bʋ̀rɩ̀ bʋra,
fən zʋ lʋʋ tə, kʋ ga zɩga sənbwen,
10 máŋá tə wa n nə zàn,
sə n bʋ̀rɩ̀ n jon lɩ̀à tə mama nə muŋə ba tɩ̀àn lʋʋ nii tə wa. Zɩgɩ sìí bwálɩ́.
11 Ləzoni lɩŋa tətə yɩ tə pɩn mʋ́ dun,
n nə yàá ja tə n ma bʋ̀rɩ̀ ba bʋra ndə kwatara sɩ̀ʋ́ nə yɩrɩ.
12 Á fwaga nipwələ á pa Ba-Yígúrə́-Jə-Tiu nə, ʋ nə yɩ á Yɩɩ,
á ga tʋn tə á pa tə nii sú.
Á mʋ̀ lɩ̀à tə mama á nə kɩkarɩ wá
pɩan zìlə́ wiən ʋ mʋ̀ Yɩɩ tə nə,
ʋ nə ba kamandon jə.
13 Ʋ pɩn pàbɩ̀á fwìə́ nywɩn lá,
ʋ fən ga jə tɩa yuu pɛ̀gá zənzən.