Bà lala n jon nə
70
1 Gwàgá yáá tíú gwaran. Davidə gwaran, sə Yɩɩ ma lìí ʋ yoo.
2 Ooo à tíú Yɩɩ, bà n jon nə!
Ba-Yígúrə́-Jə-Tiu, bà lala n san nə!
3 Pa ba tə nə zɩga à nə, də́ cavɩra,
ba kə ba yuu tɩa!
Pa ba tə nə pɩ̀à sə yolwan yí nə,
fwarɩ ba nan kwa, ba ga viviə!
4 Pa ba tə nə mʋŋa nə «ha ha» tə
pìí ba kə ba kwa də cavɩra!
5 Pa ba tə nə pɩ̀à mʋ́ fwa pupwən,
də ba jwɛ n yɩrɩ.
Pa ba tə n nə jon tə sóní kʋ nətʋ tə,
ba ga swɩ̀n máŋá mama, ba wʋ́:
«Yɩɩ dáá!»
6 À mʋ̀ yɩ yinənyiən, à ga yɩ zʋrʋ:
Ooo à tíú Yɩɩ, bà lala n jon nə!
N mʋ̀ nə yɩ à sáŋʋ́, n ga yɩ à jonu:
Ba-Yígúrə́-Jə-Tiu, dàn ká dán!