Yuu-Tiu wulə də nəba
46
1 Gwàgá yáá tíú gwaran. Kore bɩ̀á gwaran, ba nuŋə də alamɔtəa.
2 Yɩɩ yɩ nə yisəgə də nə dɩ̀àn bwálɩ́.
Ʋ pɩn nəba ʋ sáŋʋ́ máŋá mama,
nə jɩgwarʋ máŋá wa.
3 Kʋ mʋ̀ nə pɩn fən ba nəba jə,
də tɩa tə nə swə ka vuvugə,
nə à yə̀ə́ pɛɛn tə nə tʋa mʋʋ də̀ń,
4 nə à yə̀ə́ mʋʋ tə nɩ́á nə pupwi, tə zàn pùń,
nə à yə̀ə́ nɩ́á tə nə zàn tə mà pɛɛn tə,
tə pa tə sisigə. Zɩgɩ sìí bwálɩ́.
5 Ʋ yɩ ndə mʋnaa nə,
ka nɩ́á nə kəni pupwən Yɩɩ tɩʋ tə wa,
Baan Yɩɩ wúlú bwálɩ́ tə nə.
6 Yɩɩ wulə tɩʋ təntə wa, ba bá cʋgʋ kʋ.
Yɩɩ yàá san kʋ nə, jɩjʋ fuən fuən.
7 Dwíə́ nəkaran* gugurə, payun vuvugə.
Yɩɩ baa kori, yá tɩa nyɩnɩ.
8 Ba-Yígúrə́-Jə-Tiu, ʋ nə yɩ kwatara Yɩɩ wulə də nəba,
Zwakɔbə Yɩɩ tə yɩ nə yisəgə bwálɩ́. Zɩgɩ sìí bwálɩ́.
9 Á bɩ̀àn á balɩ Ba-Yígúrə́-Jə-Tiu tʋ̀tʋ̀nán tə,
ʋ ken cʋcʋran tɩa yuu wa!
10 Ʋ mʋ̀ nə pɩn kʋ̀ʋ̀ zwɛ̀ tɩa yuu, bwálɩ́ mama nə.
Ʋ kɛ́n twɛn, ʋ ga kɛ́n cwiən,
ʋ sʋ̀rɩ́ kʋ̀ʋ̀ səsen kòrə̀n də mən.
11 Á zɩga! Á lwara də à mʋ̀ nə yɩ Yɩɩ.
À də́ dɩ̀àn dwíə́ nəkaran tə yuu wa,
à də́ dɩ̀àn tɩa tə yuu wa.
12 Ba-Yígúrə́-Jə-Tiu, ʋ nə yɩ kwatara Yɩɩ wulə də nəba,
Zwakɔbə Yɩɩ tə yɩ nə yisəgə bwálɩ́. Zɩgɩ sìí bwálɩ́.