43
1 À tíú Yɩɩ, bʋ̀rɩ̀ à bʋra n pa nə.Zɩgɩ à jɩrɩmʋ dwíə́ tə yáá con, ba nə yəri mʋ́!
Jon nə lɩ̀à tə jɩɩn wa, ba nə tʋŋa swɩan də ŋwɩrɩ yìə̀n!
2 N mʋ̀ nə yɩ à Yɩɩ, n ywàŋá à yuu.
Kʋ yɩ nətə n ma vɩ nə n dʋgʋ?
Kʋ yɩ nətə à ma wulə pucʋnɩ wa?
Kʋ yɩ nətə n ma yá n pa à dʋŋʋ kəni nə càn wa?
3 Pa sə n poni tə, də n cɩ́gá tə bà,
tə bɩrɩ nə cwəŋə,
sə tə ga ja nə tə va n paan tə yuu wa,
də n wúlú bwálɩ́ tə wa!
4 À wá va Yɩɩ joŋi bwálɩ́ tə con,
Yɩɩ tə ʋ nə pɩn nə pupwən, ʋ pɩn à jwɛ.
Yá à wá bʋ n mʋ̀ à tíú Yɩɩ nə,
də bànʋ́!
5 À jə̀rə́, bɛ̀ɛ̀ nə pɩn à pùə́ ma cʋ̀gʋ̀,
n ga kwi n pɩn nə?
À tə wá kwɛn à jələ Yɩɩ yuu wa.
Cɩ́gá, à tə wá bʋ ʋ nə.
Ʋ yɩ à jonu, ʋ ga yɩ à tíú Yɩɩ.