Ba-Yígúrə́-Jə-Tiu kori tə dɩ̀àn nə yɩ nətʋ
29
1 Davidə gwaran.
Pɩan Ba-Yígúrə́-Jə-Tiu nə, lanworu ladɩra-ba*.
Pɩan dun də dɩ̀àn Ba-Yígúrə́-Jə-Tiu nə!
2 Pɩan dun Ba-Yígúrə́-Jə-Tiu nə, tə nə mɛ də ʋ yɩrɩ tə!
Á twɩa á nadwana yuu ʋ yáá con, á pa wá dun,
máŋá tə ʋ nə bɩrɩ ʋ dun tə.
3 Ba-Yígúrə́-Jə-Tiu kori tə baa, nɩ́á tə yuu con.
Ʋ mʋ̀ dun Yɩɩ tə pɩn dwà baa.
Ba-Yígúrə́-Jə-Tiu wulə naluŋə yuu con.
4 Ba-Yígúrə́-Jə-Tiu kori tə jə dɩ̀àn.
Ba-Yígúrə́-Jə-Tiu kori tə yɩ pàrɩ̀ kori.
5 Ba-Yígúrə́-Jə-Tiu kori tə kɛ́n sɩsaban tɩ̀án.
Ba-Yígúrə́-Jə-Tiu kɛ́n Liban lʋʋ nii sɩsaban tɩ̀án tə.
6 Ʋ pɩn Liban pɛɛn tə faŋa, ndə nabiə nə,
ʋ ga pa Ɛrəmona paan tə faŋa, ndə ganabiə nə.
7 Ba-Yígúrə́-Jə-Tiu kori tə pɩn mənvwə pwin ka naŋa.
8 Ba-Yígúrə́-Jə-Tiu kori tə pɩn kasɔɔ lanworu vuvugə.
Ba-Yígúrə́-Jə-Tiu pɩn Kadɛswə kasɔɔ lanworu tə vuvugə.
9 Ba-Yígúrə́-Jə-Tiu kori tə pɩn naŋɩ kalɩ tə lɩrɩ.
Ʋ kori tə pɩn pún tɩ̀án vʋran wòrì.
Yá ʋ pàrɩ̀ dìə̀ tə wa,
lɩ̀à tə mama swɩ̀n, ba wʋ́:
«Ba-Yígúrə́-Jə-Tiu mɛ də dun!»
10 Ba-Yígúrə́-Jə-Tiu yà jə̀ə́ ʋ padaʋ tə yuu,
lanworu nɩ́áb tə yuu con.
Ba-Yígúrə́-Jə-Tiu yɩ pɩ̀ʋ́,
ʋ jə̀ə́ ʋ padaʋ tə yuu, máŋá mama wuuu.
11 Ba-Yígúrə́-Jə-Tiu wá pa dɩ̀àn ʋ lɩ̀à tə nə.
Ʋ wá fwa zəni ʋ lɩ̀à tə yɩra,
ʋ ga pa ba bɩcan sìə́.