Lìù tə nə wà yoo cʋ̀gʋ̀, boŋə ʋ kəni Yɩɩ nə
26
1 Davidə gwaran.
Ba-Yígúrə́-Jə-Tiu, bʋ̀rɩ́ à bʋra!
Cɩ́gá, à yɩ təgətəgə.
À yá à tɩ̀àn Ba-Yígúrə́-Jə-Tiu jɩɩn wa,
yá fən kʋ́ʋ̀ ba nə jə.
2 Ba-Yígúrə́-Jə-Tiu, mɩ̀àn nə,
n ga mɩlɩ nə, n na à nə yɩ nətʋ.
Balɩ à bɩcan tə, də à pubʋŋa tə,
n jə́n tə nə yɩ nətʋ.
3 Cɩ́gá, n wʋywaŋʋ* tə wulə à yɩ́á yuu,
à ga vəli n cɩ́gá tə wa.
4 À ba jəni də kʋ̀nkʋ̀na,
à ga ba pwìí bələ tɩ̀án nə twá.
5 À culi yolwafwana púlí,
à ga ba jəni də wʋlʋnyɩna.
6 À sɩ̀n à jɩ̀àn, sə kʋ bɩrɩ də, à wà yoo cʋ̀gʋ̀,
yá à wá kɩkarɩ n joŋi bwálɩ́ tə, Ba-Yígúrə́-Jə-Tiu,
7 də à nuŋə, à ma kəni n lɛ̀ɛ̀,
à ga swɩ̀n n tʋtʋnzəŋə tə mama yoo, à bɩrɩ.
8 Ba-Yígúrə́-Jə-Tiu, à swə n dìə̀ tə wa yanʋ.
Mə bwálɩ́ təntə wa nə, n dun tə wulə.
9 Dàn ká cʋ̀gʋ̀ à jə̀rə́ tə, ndə à də yɩ cʋna lìù.
Dàn ká lɩ à mɩɩ, ndə à də yɩ lagʋrʋ.
10 Ba mʋ̀ jɩ̀àn nə cʋ̀gà culən nəfaran,
yá ba jɩzən ga sú də vwiŋə!
11 À mʋ̀ yɩ à vəli təgətəgə cwəŋə wa.
Jon nə, n ga fwa pubwanʋ à yɩra!
12 À nɛɛ zɩga dɩ̀àn bwálɩ́ nə,
yá à wá bʋ Ba-Yígúrə́-Jə-Tiu nə, ʋ púlə́ tə titəŋi wa.