Gwaran 23

Ba-Yígúrə́-Jə-Tiu ywàŋá à yuu

1 Davidə gwaran.

Ba-Yígúrə́-Jə-Tiu ywàŋá à yuu, ndə payɩrʋ nə,

won mama bá mùrì nə.

2 Ʋ pɩn à pə̀ní à sìí, ndə piə nə, bwálɩ́ nə, galɩʋ nə dáá.

Ʋ ja nə ʋ vəli nɩ́á tə nə pɩn sìə́ nii nə.

3 Ʋ pɩn à dɩ̀àn pìí tə súrí,

ʋ ga kəni nə cɩ́gá cwəŋə wa,

sə kʋ pa dun ʋ yɩrɩ tə nə.

4 À nə swə, à wulə yikunu wa,

won nə wàá nə kʋ gwɩ lá,

fən ba nə jə.

Cɩ́gá, n mʋ̀ Ba-Yígúrə́-Jə-Tiu wulə də nə.

N dangolu tə də n dafɩla tə pɩn nə wʋdɩʋ.

5 N yàá pa à də́ cànà wodiu,

à dʋŋa ga ywàŋá.

N yàá twɛ́n dun nʋga*, ka lwán nə ywán, à yuu wa,

yá à wùrú zʋŋa yàá sú, ka pàlɩ̀.

6 À yə̀ə́ cɩ́gá mama, də n zəni tə, də n wʋywaŋʋ* tə wulə də nə,

dɩɩn mama, à lʋʋ wúlú tə wa.

Yá à wá də à twi Ba-Yígúrə́-Jə-Tiu dìə̀ tə wa,

máŋá mama, à lʋʋ wúlú tə wa.