Lìù tə nə wàá Yɩɩ yáá con ʋ yanɩ
15
1 Davidə gwaran.
Ba-Yígúrə́-Jə-Tiu, wàà nə jə cwəŋə, sə ʋ zʋ n wúlú gansili tə wa?
Wàà nə jə cwəŋə, sə ʋ ya paan tə yuu wa, ka nə yɩ n mʋ̀ nyiən?
2 Kʋ yɩ lìù tə, ʋ nə yɩ təgətəgə,
ʋ tʋtʋnɛɛ nə tì cɩ́gá cwəŋə,
ʋ ga swɩ̀n cɩ́gá, də ʋ waa mama.
3 Ʋ ba tɩjaŋa sʋ̀ràn swɩ̀n,
ʋ ba yolwan tʋŋa, ʋ twadon yɩra,
ʋ ma ba cavɩra keni, ʋ jənduən nə.
4 Ʋ yáá tə̀lə́ də cʋna lìù,
yá ʋ zìlí lɩ̀à tə, ba nə dəri Ba-Yígúrə́-Jə-Tiu fən.
Ʋ ba ʋ nikanɩ pìí ʋ kwànɩ́,
də kʋ nə swə, kʋ yɩ càn də.
5 Ʋ ba ʋ səbiu jɩŋɩ lìù, sə ʋ ma pɩ̀à nywarɩ kʋ yuu wa,
yá ʋ ba vwiŋə də joŋə,
sə ʋ ga kʋna kʋ̀nkʋ̀n, ʋ kə lìù nii nə, ʋ nə wà yoo cʋ̀gʋ̀.
Lìù tə, ʋ nə tʋŋa nətʋ, yoo wàrɩ̀ wá kʋ gwárɩ́ mɩ́ámɩ́án.