Yɩɩ dun tə ba kamandon jə
8
1 Gwàgá yáá tíú gwaran, ba nə nuŋə də Gatə tɩ̀án bànʋ́. Davidə gwaran.
2 Nə Yuu-Tiu, Ba-Yígúrə́-Jə-Tiu,
n yɩrɩ tə jə fɩra, tɩa yuu mama wa!
N tún n pàrɩ̀ tə lanworu tə yuu wa.
3 N ja bìsɩ́ná də bìsɩ̀nɩ́ nii bʋra,
n ma tún dɩ̀àn dəkuu bwálɩ́, n zɩgɩ n jarɩduən nə,
sə kʋ pa dʋŋʋ, də lìù tə nə fwi lɩŋa pú ba nii.
4 À nə ywàń lanworu tə, n nə fwa də n jɩ̀àn,
cànà tə, də kacɩlacɛɛ tə, n nə ken tə bwálɩ́ nə,
5 à yàá bwe à tɩ̀àn, sə à jə́n, ləzwənə yɩ bɛ̀ɛ̀, n ma bʋŋa ʋ yoo?
Ləzoni bɩ̀á yɩ bɛ̀ɛ̀, n ma ywàŋá ba yuu nə?
6 Yá n fwa wá, n pa ʋ mùrì n mʋ̀ Yɩɩa mancɩn cɩcɩ.
N ja dun də pàrɩ̀, n ma kɩkarɩ wá.
7 N pɩn ʋ də́ pàrɩ̀ wiən tə mama yuu wa, n nə fwa də n jɩ̀àn.
N ken wiən tə mama, ʋ nɛɛ də̀ń nə.
8 Ʋ wulə vanmɩnɩ tə, də vanfaran tə mama yuu wa.
Ʋ wulə ganaŋa tə də tətə yuu wa.
9 Ʋ wulə lanworu zuŋi tə, də mʋʋ wa filə tə yuu wa.
Ʋ wulə wiən tə mama yuu wa, tə nə ye mʋʋ wa.
10 Nə Yuu-Tiu Ba-Yígúrə́-Jə-Tiu,
n yɩrɩ tə jə fɩra, tɩa yuu mama wa!