Gwaran
TƏNTƏN SAGƖ
(Gwaran 1—41)
Pupwən lìù
1
1 Pupwən lìù nə yɩ lìù tə,ʋ nə ba wʋlʋnyɩna kwìə̀ nə twá,
ʋ ba cʋna lɩ̀à cwəŋə wa zɩga,
ʋ ga ba bɩyɩrɩ də́rə́ púlí wa jəni.
2 Yá ʋ fɩra mama yɩ ʋ kəni Ba-Yígúrə́-Jə-Tiu nii yìə̀n tə nə,
ʋ ga bʋŋa tə yoo də ʋ waa mama, yɩcaʋ də tɩtɩn!
3 Ʋ yɩ ndə tɩ̀ʋ́ nə, ba nə cwɛn nacwəŋə nii nə.
Kʋ ləni bɩ̀á, kʋ lənu máŋá wa,
yá kʋ vʋran də ga ba pɩ̀nɩ̀.
Won tə mama, lìù təntə nə fwa, yàá jì.
4 Yá kʋ tà nətʋ wʋlʋnyɩna tə mʋ̀ yɩra.
Ba mʋ̀ yɩ ndə ywərən nə, vʋʋ nə jànɩ̀.
5 Kʋ mʋ̀ nə pɩn, wʋlʋnyɩna bá wànɩ́ yɩɩ nə ba zɩgɩ, bʋra bʋ̀rʋ̀ dɩɩn nə.
Cʋna lɩ̀à də ma ba bwálɩ́ jə, cɩ́gá tɩ̀án púlí wa.
6 Cɩ́gá, Ba-Yígúrə́-Jə-Tiu yə̀ə́ bwálɩ́ tə, cɩ́gá tɩ̀án tʋtʋnɛɛ nə ja ba, tə vələ.
Yá wʋlʋnyɩna mʋ̀ tʋtʋnɛɛ yɩ tə ja ba, tə vələ jɩ́ʋ́n bwálɩ́ nə.