Zɔbə bɩrɩ də ʋ kʋ́ʋ̀ ba yala jə
17
1 Zɔbə swɩ̀n ʋ súrí lá, ʋ wʋ́:«À siŋu tə wulə kʋ kori,
à dɩan wulə tə zwɛ̀,
à dàń yɩ libəri nə tɩ.
2 Kʋ tà bɩyɩrɩ də́rə́ nə kɩkarɩ nə,
ba twɩn nə, kʋ pa à wàrɩ̀ à yii à pwí naaa?
3 À lòrì mʋ́ à tíú Yɩɩ, n tətə ya à jɩrɩmʋ.
Kʋ nə tà n mʋ̀, wàà don nə wá zɩgɩ à jɩrɩmʋ?
4 Cɩ́gá, n pɩn ba bɩcanɩ ba wʋbʋŋa jə,
kʋ mʋ̀ yɩrɩ, n bá sɛ̀ n pa ba na dun.
5 Lìù nə tʋn pwìí bələ yoo ʋ dabara yɩra,
niən yàá pa ʋ tətə bìsɩ́ná yɩ́á coli.
*
6 Yɩɩ yà tún nə,
sə à ya lʋʋ ləzoni pɩ̀ʋ́,
yá nə̀ń à nə, à jìgə̀ lìù tə,
ba nə pìì mɩmɩan,
ba lwɛ́ à yáá wa.
7 Pucʋnɩ pɩn à yɩ́á bwànɩ̀,
à yɩra tə mama ga jì ndə yuywara nə.
8 Kʋ nətʋ tə kələ lɩ̀à tə nə yɩ mənəmənə,
yá lìù tə nə wà yoo cʋ̀gʋ̀ zàn
ʋ zɩga lìù tə nə,
ʋ nə ba Yɩɩ fən dəri.
9 Cɩ́gá tíú mɛ sə ʋ zɩgɩ kankan ʋ cɩ́gá cwəŋə wa.
Lìù tə nə wà durən yoo tʋn,
də mɛ sə ʋ jɩ̀àn kwɛn tə dàn.
10 Yá á mʋ̀ mama pìrə́ á bà!
À lòrì aba sə á pìí á bà!
À bá na wʋbʋnyiən nədʋ tətə á wa!
*
11 À dɩan lɛ, à pubʋŋa yìə̀n gugurə,
à fɩra yìə̀n mama cʋ̀gʋ̀.
12 À dabara tə bɩrɩ də tɩtɩn yɩ tɩpʋrɩ,
tɩa yì, yá ba swɩ̀n də yɩcaʋ poni bwə́lə́!
13 Bɛ̀ɛ̀ yala nə à kʋ́ʋ̀ jə?
Ciru nə wá ya à dìə̀,
yá yikunu wa nə à wá tún à gədo!
14 À bubwi à kə libəri nə, à wʋ́: “N yɩ à nyɩna!”
À swɩ̀n zʋnzʋran con, à wʋ́: “À nuu, à nakʋa!”
15 À yala tə wulə yə̀n nə?
Wàà nə kʋ́ʋ̀ wàá tə ʋ nɩ?
16 Tə wá twá à nə tə cú tɩan bʋʋ wa,
nə mɛ twá duən nə va nə pə̀ń pùrú wa.»