Ɛsədərasə
Ɛsədərasə sagɩ tə yuu wa sʋgʋ
Ɛsədərasə sagɩ tə, də Nehemi sagɩ tə yà yɩ sagɩ nədʋ. Yá máŋá don wa, ba pwɛ̀ tə bələ. Tə saga bələ tə yɩ tə swɩ̀n Pɛrəsə pɛ̀gá tə yoo, ba nə də́ dɩ̀àn dwíə́ tə duən yuu wa, də Yɩzərayɛlə lɩ̀à yuu wa. Ɛsədərasə sagɩ tə mʋ̀ yɩ kʋ sinti, kʋ swapitərə 1 wa, də Pɛrəsə pɩ̀ʋ́ Sirusə nii tə, ʋ nə pɩn Zwida lʋʋ lɩ̀à nə, sə ba va ba lwà Yɩɩ dìə̀ tə Zwerizalɛmə nə. Kʋ swapitərə 2 wa, kʋ bɩrɩ də lɩ̀à kapʋpʋ nə nan yongaʋ, ba pìí ba vəri. Swapitərə 3 wa, kʋ bɩrɩ də ba təntən tʋtʋŋɩ nə yɩ, sə ba pìí ba lwà Yɩɩ joŋi bwálɩ́ tə, ba ga pìí ba tʋn Yɩɩ tʋ̀tʋ̀nán tə, Zwerizalɛmə wa. Swapitərə 4, kʋ va kʋ yí swapitərə 6 wa, kʋ bɩrɩ də dʋŋa zàn, sə ba cɩ̀ Yɩɩ dìə̀ tə lwiu yáá nə. Swapitərə 7, kʋ va kʋ yí swapitərə 10 wa, kʋ bɩrɩ nətʋ Yɩɩ joŋwanʋ Ɛsədərasə nə pìí ʋ tanɩ lɩ̀à tə, sə ba twá Yɩɩ nə.
Sagɩ tə pɩ̀à kʋ bɩrɩ, nətʋ kʋ nə mɛ, sə lìù kə ʋ waa Yɩɩ nə, sə ʋ ga lɩ ʋ tɩ̀àn, durən yìə̀n wa. Kʋ tə bɩrɩ Yɩɩ joŋwanʋ Ɛsədərasə wʋdɩʋ tə, də nətʋ ʋ nə zɩgɩ dɩ̀àn, ʋ pa Yɩzərayɛlə lɩ̀à pìí ba zìlí Yɩɩ nii. Ʋ mʋ̀ Ɛsədərasə nə san ʋ tún Zwifə-ba yɩjʋncwəŋə tə. Mə ka mʋ̀ Zwifə-ba yɩjʋncwəŋə tə wa, ba lɩrɩ Zwezi.