Gwàgá púlə́ tə yoo
25
1 Davidə də tʋ̀tʋ̀nán yun tɩ̀án tə ken Azafə, də Eman, də Yedutunə bɩ̀á tə vàn nə, tʋtʋŋɩ tə yɩrɩ. Ba bɩ̀á təntə yà nuŋə Yɩɩ nii sʋ̀ràn, ba ga dwí banan, də kwanan, də zɩnzɩran. Nə̀ń lɩ̀à tə nii ba yà nə tʋŋa kʋ tʋtʋŋɩ tə:2 Azafə bɩ̀á tə wa, kʋ yɩ Zakurə, də Zʋzɛfə, də Netanɩa, də Asarela. Ba nyɩna Asafə yà nə kəni ba cwəŋə nə, ʋ ga nuŋə ʋ ma swɩ̀n Yɩɩ nii sʋ̀ràn, ndə pɩ̀ʋ́ tə nə pɩn nii, sə kʋ tʋn nətʋ.
3 Yedutunə bɩ̀á tə wa, kʋ yɩ Gedalɩa, də Seri, də Ezayi, də Swimeyia, də Haswabɩa, də Matɩtɩa. Ba lɩ̀à bardʋ tə mɛ yà yɩ ba nyɩna Yedutunə nə kəni ba cwəŋə nə, ʋ ga nuŋə ʋ ma swɩ̀n Yɩɩ nii sʋ̀ràn, də ʋ dwí bànʋ́ ʋ ma bwɩ Ba-Yígúrə́-Jə-Tiu nə.
4 Eman bɩ̀á tə wa, kʋ yɩ Bukɩa, də Matanɩa, də Uziyɛlə, də Swebuwɛlə, də Yerimɔtə, də Hananɩa, də Hanani, də Eliyata, də Gidaləti, də Romaməti-Ezɛrə, də Yoswəbekaswa, də Maloti, də Hotirə, də Mahaziyɔtə. 5 Ba mʋ̀ lɩ̀à təntə mama yà yɩ Eman bɩ̀á. Ʋ mʋ̀ yà nə yɩ pɩ̀ʋ́ tə Yɩɩ yinarʋ, ʋ swɩ̀n Yɩɩ nii sʋ̀ràn ʋ bɩrɩ pɩ̀ʋ́ tə nə, ʋ ma bwɩ Yɩɩ nə. Cɩ́gá, Yɩɩ yà pɩn bibara fugə də banɩa, də bikana batwa Eman nə.
6 Ba mʋ̀ lɩ̀à təntə mama yà yɩ ba nyɩna Eman nə kəni ba cwəŋə nə, ba ma nuŋə gwaran tə Ba-Yígúrə́-Jə-Tiu dìə̀ tə wa, ba ga dwí zɩnzɩran, də kwanan, də banan. Gwaran tə yà nə yɩ ba tʋtʋŋɩ Yɩɩ dìə̀ tə wa. Azafə, də Yedutunə, də Eman yà yɩ ba twá kʋ tə nə, pɩ̀ʋ́ tə nə bɩrɩ ba. 7 Ba də ba nubɩa tə mɛ yà yɩ lɩ̀à 288, ba nə jə nuŋi tə nə bwɩ Ba-Yígúrə́-Jə-Tiu nə yənu zəni.
8 Ba pwárɩ́ ba ma bɩrɩ ba lìù mama ʋ tʋtʋŋɩ. Pwɩa wà bisɩmaa də nəkwɩa pwə́rə́ wa yɩn, pwɩa ma wà gwanyɩna də gwabiu də pwə́rə́ wa yɩn.
9 Təntən pwárʋ́ tə tʋa Azafə bìú Zʋzɛfə yuu wa.
Bələ nii pwárʋ́ tə tʋa Gedalɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
10 Batwa nii pwárʋ́ tə tʋa Zakurə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
11 Banɩa nii pwárʋ́ tə tʋa Yiseri, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
12 Bonu nii pwárʋ́ tə tʋa Netanɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
13 Bardʋ nii pwárʋ́ tə tʋa Bukɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
14 Barpɛ nii pwárʋ́ tə tʋa Yesarela, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
15 Nana nii pwárʋ́ tə tʋa Ezayi, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
16 Nʋgʋ nii pwárʋ́ tə tʋa Matanɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
17 Fugə nii pwárʋ́ tə tʋa Swimeyi, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
18 Fugə də nədʋ nii pwárʋ́ tə tʋa Azarəyɛlə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
19 Fugə də bələ nii pwárʋ́ tə tʋa Haswabɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
20 Fugə də batwa nii pwárʋ́ tə tʋa Swubayɛlə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
21 Fugə də banɩa nii pwárʋ́ tə tʋa Matɩtɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
22 Fugə də bonu nii pwárʋ́ tə tʋa Yeremɔtə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
23 Fugə də bardʋ nii pwárʋ́ tə tʋa Hananɩa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
24 Fugə də barpɛ nii pwárʋ́ tə tʋa Yoswəbekaswa, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
25 Fugə də nana nii pwárʋ́ tə tʋa Hanani, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
26 Fugə də nʋgʋ nii pwárʋ́ tə tʋa Maloti, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
27 Sapʋa nii pwárʋ́ tə tʋa Eliyata, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
28 Sapʋa də nədʋ nii pwárʋ́ tə tʋa Hotirə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
29 Sapʋa də bələ nii pwárʋ́ tə tʋa Gidaləti, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
30 Sapʋa də batwa nii pwárʋ́ tə tʋa Mahazɩyɔtə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.
31 Sapʋa də banɩa nii pwárʋ́ tə tʋa Romaməti-Ezɛrə, də ʋ bɩ̀á, də ʋ nubɩa yuu wa, ba nə yɩ lɩ̀à fugə də bələ.