Bələ nii Pɛ̀gá
Bələ nii Pɛ̀gá sagɩ tə yuu wa sʋgʋ
Bələ nii Pɛ̀gá sagɩ tə yɩ Zwida payuu tə, də Yɩzərayɛlə payuu tə yoo nə wulə kʋ də wa. Ba pwɛ̀ pɛ̀gá sagɩ tə bwálá bələ, kʋ pʋ́pʋ́ná tə nə wàrɩ̀ sagɩ nədʋ wa yɩrɩ.
Ba pwɛ̀ bələ nii Pɛ̀gá sagɩ tə bwálá bələ.
Kʋ təntən bwálɩ́ tə swapitərə nədʋ, kʋ ja va swapitərə fugə barpɛ wa, kʋ swɩ̀n payun bələ tə yoo. Asiiri tɩ̀án ta Yɩzərayɛlə jɩzən saparʋ con payuu tə ba də́ bɩna 722 bɩnɩ tə wa, də ba tə wà Zwezi lɩrɩ. Ba cʋ̀gʋ̀ kʋ patɩʋ Samari, ba ga ja ləzwənbɩa tə ba va yongaʋ Asiiri nə.
Sagɩ tə bələ nii bwálɩ́ tə swapitərə fugə nana, kʋ ja va swapitərə sapʋa də bonu wa, jɩgwiə saparʋ con payuu tə zɩgɩ dɩ̀àn kʋ va kʋ yí bɩna 586 bɩnɩ tə wa, də ba tə wà Zwezi lɩrɩ. Yá bɩnɩ təntə wa nə, Babɩlɔnə pɩ̀ʋ́ Nebukadənəzarə ta ba ʋ də́. Ʋ cʋ̀gʋ̀ ba patɩʋ Zwerizalɛmə mɩ́ámɩ́án, ʋ ga ja ba lɩ̀à kapʋpʋ ʋ ja va yongaʋ Babɩlɔnə nə. Yá kʋ nə bwə́lə́ càn təntə yígúrə́, Babɩlɔnə tɩ̀án tə pɩn cwəŋə sə ba lɩ pɛ̀gá tə, ba yà nə wulə bandiə wa.
Bələ nii Pɛ̀gá sagɩ tə bɩrɩ nəba kʋ tə nə pɩn ba cʋ̀gʋ̀ Yɩzərayɛlə payuu tə, də Zwida payuu tə. Yɩɩ nii sʋ̀sʋ̀nà kapʋpʋ swɩ̀n ba con kʋ nɛɛ cé duən, yá lalʋʋ tə, də pɛ̀gá tə vɩga sə ba twá Yɩɩ nə. Sagɩ tə bɩrɩ nəba, də kʋ yɩ Yɩɩ lɩŋa tə nə pɩn yoo təntə yí Zwerizalɛmə tɩ̀án (24:20).
Yofaran tə sagɩ tə nə swɩ̀n tə yoo
Swapitərə nədʋ wa, Yɩɩ nii sʋ̀sʋ̀nʋ̀ Eli pɩn càn yí pɩ̀ʋ́ Ahazɩa.
Swapitərə bələ, kʋ ja va swapitərə nana, vɛrəse fugə bonu wa, Elize jìgə̀ Yɩɩ nii sʋ̀sʋ̀nʋ̀.
Swapitərə nana, vɛrəse fugə bardʋ, kʋ ja va swapitərə fugə bardʋ wa, kʋ swɩ̀n Yɩzərayɛlə pɛ̀gá tə, də Zwida pɛ̀gá tə yoo. Swapitərə fugə barpɛ wa, ba ta Samari tɩ̀án ba də́.
Swapitərə fugə nana, kʋ ja va swapitərə sapʋa wa, kʋ swɩ̀n Ezekɩasə pàrɩ̀ tə də Asiiri tɩ̀án kʋ̀ʋ̀ tə yoo.
Swapitərə sapʋa də nədʋ wa, kʋ bɩrɩ də pɩ̀ʋ́ Manase, də pɩ̀ʋ́ Amon yɩn pɛ̀gá kʋkwɩnan.
Swapitərə sapʋa də bələ, kʋ ja va swapitərə sapʋa də batwa vɛrəse fɩtwa wa, Pɩ̀ʋ́ Zozɩasə kàrɩ̀ Yɩɩ nii sagɩ tə.
Swapitərə sapʋa də batwa vɛrəse fɩtwa də nədʋ, kʋ ja va swapitərə sapʋa də banɩa, vɛrəse sapʋa wa, kʋ swɩ̀n Zwida talɩkwa pɛ̀gá tə yoo.
Swapitərə sapʋa də bonu wa, ba cʋ̀gʋ̀ Zwerizalɛmə tɩʋ tə, ba ga ja lalʋʋ tə ba va yongaʋ.