Levi dwíí tə lɩ̀à duən yoo
6
1 Levi bɩ̀á nə yɩ Gɛrəswomə, də Kehatə, də Merari. 2 Gɛrəswomə bɩ̀á nə yɩ Libəni, də Swimeyi. 3 Kehatə bɩ̀á nə yɩ Aməramə, də Yɩsarə, də Ebəron, də Uziyɛlə. 4 Merari bɩ̀á nə yɩ Mali, də Muswi. Mə Levi sànɩ́ tɩ̀án tə, də ba dwíí dəkuu nə nətʋ.5 Gɛrəswomə dwíí nə yɩ ʋ bìú Libəni, də Libəni bìú Yahatə, də Yahatə bìú Zima, 6 də Zima bìú Yʋa, də Yʋa bìú Yido, də Yido bìú Zera, də Zera bìú Yeyatərayi.
7 Kehatə dwíí nə yɩ ʋ bìú Aminadabə, də Aminadabə bìú Kore, də Kore bìú Asirə, 8 də Asirə bìú Ɛləkana, də Ɛləkana bìú Abɩyasafə, də Abɩyasafə bìú Asirə, 9 də Asirə bìú Tahatə, də Tahatə bìú Uriyɛlə, də Uriyɛlə bìú Uzɩa, də Uzɩa bìú Sayulə. 10 Ɛləkana bɩ̀á nə yɩ Amasayi, də Ahimɔtə, 11 də Ɛləkana. Ɛləkana dwíí nə yɩ ʋ bìú Sofayi, də Sofayi bìú Nahatə, 12 də Nahatə bìú Eliyabə, də Eliyabə bìú Yerohamə, də Yerohamə bìú Ɛləkana. 13 Ɛləkana bìú Samiyɛlə bikwɩa nə yɩ Zʋwɛlə, ʋ bələ nii bìú ga yɩ Abɩya.
14 Merari dwíí nə yɩ ʋ bìú Mahəli, də Mahəli bìú Libəni, də Libəni bìú Swimeyi, də Swimeyi bìú Uza, də Uza bìú 15 Swimeya, də Swimeya bìú Hagɩya, də Hagɩya bìú Asaya.
16 Davidə yà pɩn nii Levi dwíí lɩ̀à nə, sə ba ywàń Ba-Yígúrə́-Jə-Tiu dìə̀ gwaran tə yuu nə, máŋá tə wa, ba nə tún Yɩɩ wúlú daka tə ka wa. 17 Ba mʋ̀ yà nə ywàŋá gwaran tə yuu nə, Yɩɩ wúlú gansili tə yáá con, kʋ nə yɩ Yɩɩ jə́rə́ bwálɩ́, kʋ va kʋ yí máŋá tə, Salʋmʋn nə lwə̀ Ba-Yígúrə́-Jə-Tiu dìə̀ tə, Zwerizalɛmə wa. Yá ba dàń tʋn ba tʋtʋŋɩ təntə, ndə kʋ nə mɛ, sə kʋ tʋn nətʋ.
18 Nə̀ń lɩ̀à tə, ba də ba bɩ̀á yà nə tʋŋa kʋ tʋtʋŋɩ təntə: Kehatə dwíí tə wa, kʋ yà yɩ gwàgʋ́ Eman. Ʋ nɩbara nə yɩ Samiyɛlə bìú Zʋwɛlə, 19 də Samiyɛlə, ʋ nə yɩ Ɛləkana bìú, də Ɛləkana, ʋ nə yɩ Yerohamə bìú, də Yerohamə, ʋ nə yɩ Eliyɛlə bìú, Eliyɛlə, ʋ nə yɩ Tʋa bìú, 20 də Tʋa, ʋ nə yɩ Sufə bìú, də Sufə, ʋ nə yɩ Ɛləkana bìú, də Ɛləkana, ʋ nə yɩ Mahatə bìú, də Mahatə, ʋ nə yɩ Amasayi bìú, 21 də Amasayi, ʋ nə yɩ Ɛləkana bìú, də Ɛləkana, ʋ nə yɩ Zʋwɛlə bìú, də Zʋwɛlə, ʋ nə yɩ Azarɩya bìú, də Azarɩya, ʋ nə yɩ Sofoni bìú, 22 də Sofoni, ʋ nə yɩ Tahatə bìú, də Tahatə, ʋ nə yɩ Asirə bìú, də Asirə, ʋ nə yɩ Abɩyasafə bìú, də Abɩyasafə, ʋ nə yɩ Kore bìú, 23 də Kore, ʋ nə yɩ Yɩsarə bìú, də Yɩsarə, ʋ nə yɩ Kehatə bìú, də Kehatə, ʋ nə yɩ Levi bìú, də Levi, ʋ nə yɩ Yɩzərayɛləa bìú. 24 Eman nubiu Berekɩa bìú Asafə yà zɩga ʋ jɩzən vàn yuu. Asafə nɩbara nə yɩ Swimeya bìú Berekɩa, 25 də Berekɩa, ʋ nə yɩ Mikayɛlə bìú, də Mikayɛlə, ʋ nə yɩ Baseya bìú, də Baseya, ʋ nə yɩ Maləkɩya bìú, də Maləkɩya, ʋ nə yɩ 26 Etəni bìú, də Etəni, ʋ nə yɩ Zera bìú, də Zera, ʋ nə yɩ Adaya bìú, 27 də Adaya, ʋ nə yɩ Etan bìú, də Etan, ʋ nə yɩ Zima bìú, də Zima, ʋ nə yɩ Swimeyi bìú, 28 də Swimeyi, ʋ nə yɩ Yahatə bìú, də Yahatə, ʋ nə yɩ Gɛrəswomə bìú, də Gɛrəswomə, ʋ nə yɩ Levi bìú.
29 Ba nubɩa tə, ba nə yɩ Merari dwíí tə yà zɩga ba jɩgwiə nə. Kiswi bìú Etan yà nə yɩ gwàgá tə yáá tíú. Ʋ nɩbara nə yɩ Kiswi, ʋ nə yɩ Abədi bìú, də Abədi, ʋ nə yɩ Malukə bìú, 30 də Malukə ʋ nə yɩ Haswabɩa bìú, də Haswabɩa, ʋ nə yɩ Amasɩa bìú, də Amasɩa, ʋ nə yɩ Hiləkiya bìú, 31 də Hiləkiya, ʋ nə yɩ Aməsi bìú, də Aməsi, ʋ nə yɩ Bani bìú, də Bani, ʋ nə yɩ Swemɛrə bìú, 32 də Swemɛrə, ʋ nə yɩ Mali bìú, də Mali, ʋ nə yɩ Muswi bìú, də Muswi, ʋ nə yɩ Merari bìú, də Merari, ʋ nə yɩ Levi bìú.
33 Ba nubɩa Levi dwíí tə yà nə tʋŋa tʋ̀tʋ̀nán tə mama, tə nə mɛ sə tə tʋn Yɩɩ wúlú gansili tə wa, kʋ nə yɩ Yɩɩ dìə̀.
34 Aron də ʋ bɩ̀á tə yà nə fwa jwəŋə tə ba nə sʋ̀rɩ́* vàná joŋi bwálɩ́ tə yuu wa, ba ga sʋ̀rɩ́ wusənə, wusənə joŋi bwálɩ́ tə yuu wa. Ba mʋ̀ yà nə tʋŋa tʋ̀tʋ̀nán tə mama Yɩɩ wúlú bwálɩ́ tə wa, ba ga kwɛn Yɩzərayɛlə lɩ̀à cʋna ba lɩ, ndə Yɩɩ tʋtʋnʋ Moyizə yà nə pɩn nii, sə kʋ tʋn nətʋ. 35 Nə̀ń Aron dwíí tə: Kʋ yɩ Aron bìú Eleyazarə, də Eleyazarə bìú Fineyasə, də Fineyasə bìú Abiswua, 36 də Abiswua bìú Buki, də Buki bìú Uzi, də Uzi bìú Zeraya, 37 də Zeraya bìú Merayɔtə, də Merayɔtə bìú Amarɩya, də Amarɩya bìú Ahitubə, 38 də Ahitubə bìú Sadɔkə, də Sadɔkə bìú Ahimasə.
Tɩan tə ba nə pɩn Levi dwíí tə nə
39 Nə̀ń bwálá tə, Aron dwíí tə nə jə̀ń tə wa, ba lʋʋ nii tə wa, sanii sanii: Ba nə pwárɩ́, Aron bɩ̀á tə, ba nə yɩ Kehatə dwíí, nə təntən ba na bwálɩ́. 40 Ba pɩn ba Ebəron, kʋ nə wulə Zwida lʋʋ nii tə wa, də kʋ kasɔɔ níə́ tə. 41 Yá ba yà dí yáá ba pa tɩʋ tə kárɩ́ tə, də kʋ nii tɩbii tə mʋ̀ Yefune bìú Kalɛbə nə. 42 Ba pɩn tɩan tə nə yɩ yisəgə bwálɩ́ Aron dwíí tə nə. Tə mʋ̀ nə yɩ Ebəron, də Libəna də kʋ kasɔɔ níə́ tə, də Yatirə, də Ɛswətemʋa də kʋ kasɔɔ níə́ tə, 43 də Hilɛnə də kʋ kasɔɔ níə́ tə, də Debirə də kʋ kasɔɔ níə́ tə, 44 də Aswan də kʋ kasɔɔ níə́ tə, də Bɛtə-Swemɛswə də kʋ kasɔɔ níə́ tə. 45 Bɛnzwamɛn dwíí nagwanaa tə wa, ba pɩn ba Geba də kʋ kasɔɔ níə́ tə, də Alemɛtə də kʋ kasɔɔ níə́ tə, də Anatɔtə də kʋ kasɔɔ níə́ tə. Tə mama yɩn tɩan fugə də batwa,b ndə ba sànɩ́ tə nə mɛ nətʋ.
46 Ba pwárɩ́ ba ma pa tɩan fugə Kehatə bɩ̀á tə duən tə nə, Efərayimə dwíí nagwanaa tə wa, də Dan dwíí nagwanaa tə wa, də Manase dwíí faan nagwanaa tə wa. 47 Ba pɩn tɩan fugə də batwa Gɛrəswomə bɩ̀á sànɩ́ tə nə, Yɩsakarə dwíí nagwanaa tə wa, də Aswɛrə dwíí nagwanaa tə wa, də Nɛfətali dwíí nagwanaa tə wa, də Manase dwíí nagwanaa tə wa, kʋ nə wulə Baswan nə. 48 Ba pwárɩ́ ba ma pa tɩan fugə də bələ Merari bɩ̀á sànɩ́ tə nə, Ribɛn dwíí nagwanaa tə wa, də Gadə dwíí nagwanaa tə wa, də Zabulon dwíí nagwanaa tə wa.
49 Yɩzərayɛlə lɩ̀à tə pɩn tɩan təntə, də tə kasɔɔ níə́ tə, Levi dwíí tə nə. 50 Ba pwárɩ́ ba ma pa tɩan təntə, ba nə bon tə yɩra yuu con, tə ga wulə Zwida dwíí nagwanaa tə wa, də Simeyon dwíí nagwanaa tə wa, də Bɛnzwamɛn dwíí nagwanaa tə wa. 51 Ba lɩ tɩan duən Efərayimə dwíí tɩan tə wa, ba pa Kehatə bɩ̀á tə sànɩ́ duən nə. 52 Ba pɩn ba tɩan tə nə yɩ yisəgə bwálɩ́. Tə mʋ̀ nə yɩ Siswɛmə də kʋ kasɔɔ níə́ tə, Efərayimə pɛɛn nagwanaa tə wa, də Gezɛrə də kasɔɔ níə́ tə, 53 də Yɔkəmeyamə də kʋ kasɔɔ níə́ tə, də Bɛtə-Horon də kʋ kasɔɔ níə́ tə, 54 də Ayalon də kʋ kasɔɔ níə́ tə, də Gatə-Rimon də kʋ kasɔɔ níə́ tə. 55 Kʋ súrí Anɛrə, də Bileyamə, də tə kasɔɔ níə́ tə nə, tə nə wulə Manase dwíí faan nagwanaa tə wa. Ba pɩn tɩan təntə Kehatə bɩ̀á tə duən tə sànɩ́ tə nə.
56 Ba pɩn tɩan tə tə Gɛrəswomə bɩ̀á tə nə: Manase dwíí faan nagwanaa tə wa, kʋ yɩ Golan, kʋ nə wulə Baswan nə, də kʋ kasɔɔ níə́ tə, də Aswətarɔtə də kʋ kasɔɔ níə́ tə. 57 Yɩsakarə dwíí nagwanaa tə wa, kʋ yɩ Kedɛswə də kʋ kasɔɔ níə́ tə, də Dabəratə də kʋ kasɔɔ níə́ tə, 58 də Ramɔtə də kʋ kasɔɔ níə́ tə, də Anɛmə də kʋ kasɔɔ níə́ tə. 59 Aswɛrə dwíí nagwanaa tə wa, kʋ yɩ Maswalə də kʋ kasɔɔ níə́, də Abədon də kʋ kasɔɔ níə́ tə, 60 də Ukɔkə də kʋ kasɔɔ níə́ tə, də Rehɔbə də kʋ kasɔɔ níə́ tə. 61 Nɛfətali dwíí nagwanaa tə wa, kʋ yɩ Kedɛswə, kʋ nə wulə Galile nə, də kʋ kasɔɔ níə́ tə, də Hamon də kʋ kasɔɔ níə́ tə, də Kiriyatayimə də kʋ kasɔɔ níə́ tə.
62 Ba pɩn tɩan tə tə Merari bɩ̀á tə duən tə sànɩ́ tə nə, Zabulon dwíí nagwanaa tə wa: Tə mʋ̀ nə yɩ Rimono də kʋ kasɔɔ níə́ tə, də Tabɔrə də kʋ kasɔɔ níə́ tə. 63 Zʋrədɛn mʋnaa tə yipɩan con, kʋ nə daa Zweriko con, Ribɛn dwíí nagwana tə wa, kʋ yɩ Besɛrə, kʋ nə wulə kasɔɔ lanworu tə wa, də kʋ kasɔɔ níə́ tə, də Yasa də kʋ kasɔɔ níə́ tə, 64 də Kedemɔtə də kʋ kasɔɔ níə́ tə, də Mefatə də kʋ kasɔɔ níə́ tə. 65 Gadə dwíí nagwanaa tə wa, kʋ yɩ Ramɔtə, kʋ nə wulə Galadə nə, də kʋ kasɔɔ níə́ tə, də Mahanayimə də kʋ kasɔɔ níə́ tə, 66 də Ɛswəbon də kʋ kasɔɔ níə́ tə, də Yazɛrə də kʋ kasɔɔ níə́ tə.