1 Pɛ̀gá Ŋwɛn 7

Yɩsakarə dwíí dəkuu yoo

1 Yɩsakarə bɩ̀á nə yɩ Tola, də Puwa, də Yaswubə, də Swiməron. Ba mama yà yɩ bɩ̀á banɩa. 2 Tola bɩ̀á nə yɩ Uzi, də Refaya, də Yeriyɛlə, də Yamayi, də Yibəsamə, də Samiyɛlə. Ba yà yɩ kwatara babɩran ba dwíí tə wa. Davidə máŋá tə wa, ba yà yɩ bara 22 600. 3 Uzi bìú nə yɩ Yɩzəraya. Yɩzəraya bɩ̀á nə yɩ Mikayɛlə, də Abədɩasə, də Zʋwɛlə, də Yɩswɩya. Ba lɩ̀à bonu tə mɛ yɩn pɛ̀gá. 4 Ba yà lɩ kwatara 36 000 ba dwíə́ tə mama wa ba tún, sə ba ma ta kʋ̀ʋ̀. Cɩ́gá, ba kana də ba bìsɩ́ná yà dáá zənzən. 5 Yɩsakarə dwíí tə bara duən yɩn lɩ̀à 87 000, ba nə yɩ kwatara babɩran, ba nə pʋ́pʋ́nɩ́ ba yɩra ba tún saga wa.

Bɛnzwamɛn də Nɛfətali dwíə́ tə yoo

6 Bɛnzwamɛn bɩ̀á nə yɩ Bela, də Bekɛrə, də Yedɩayɛlə. Ba mama yɩn bɩ̀á batwa. 7 Bela bɩ̀á nə yɩ Ɛswəbon, də Uzi, də Uziyɛlə, də Yerimɔtə, də Yiri. Ba kwatara babɩran bonu təntə yɩn ba dwíə́ tə pɛ̀gá. Ba dwíə́ tə bara tə mama yɩn 22 034, ba nə pʋ́pʋ́nɩ́ ba yɩra ba tún saga wa. 8 Bekɛrə bɩ̀á nə yɩ Zemira, də Yʋaswə, də Eliyezɛrə, də Elioyenayi, də Oməri, də Yeremɔtə, də Abɩya, də Anatɔtə, də Alemɛtə. Ba mʋ̀ bara təntə mama yɩ Bekɛrə bɩ̀á. 9 Ba twá ba dwíí dəkuu nə, ba pʋ́pʋ́nɩ́ ba mama yɩra ba tún saga wa, ndə ba nə yɩn dwíə́ tə pɛ̀gá, ba ga ya kwatara babɩran nətʋ. Ba mama yɩn bara 20 200. 10 Yedɩayɛlə bìú nə yɩ Biləhan. Biləhan bɩ̀á nə yɩ Yewuswə, də Bɛnzwamɛn, də Ehudə, də Kenana, də Zetan, də Tarəsisə, də Ahiswaharə. 11 Ba mʋ̀ bara təntə mama yɩ Yedɩayɛlə dwíí, ba nə yɩn pɛ̀gá, ba ga ya kwatara babɩran. Ba yɩn bara 17 200, ba nə wàá kʋ̀ʋ̀ ba tɛ. 12 Swupimə, də Upimə yà yɩ Yirə bɩ̀á. Uswimə yà yɩ Ahɛrə bìú.

13 Nɛfətali bɩ̀á nə yɩ Yasɩyɛlə, də Guni, də Yesɛrə, də Swalumə. Nɛfətali nuu nə yɩ Bila.

Manase dwíí dəkuu yoo

14 Manase bɩ̀á nə yɩ Asəriyɛlə, də Makirə, ʋ kabiə tə nə yɩ Siiri tɩ̀án bʋ̀á nə lɩrɩ. Makirə nə yɩn Galadə nyɩna. 15 Makirə swe kan ʋ pa Upimə nə, ʋ ga swe ʋ don ʋ pa Swupimə də nə. Makirə yà jə nakʋa ʋ yɩrɩ nə yɩ Maaka. Ʋ yà jə bələ nii bìú ʋ yɩrɩ nə yɩ Selofadə. Selofadə mʋ̀ yɩ bikana cɩcɩ ʋ lɩrɩ. 16 Makirə kan Maaka lɩrɩ bìú ʋ dɩ ʋ yɩrɩ Perɛswə. Kʋ kwa nə, ʋ tə lɩrɩ ʋ don ʋ dɩ ʋ yɩrɩ Swerɛswə. Swerɛswə bɩ̀á nə yɩ Ulamə, də Rekɛmə. 17 Ulamə bìú nə yɩ Bedan. Mə Makirə bìú Galadə, ʋ nə yɩ Manase nàʋ́, bɩ̀á nə nətʋ.

18 Galadə nakʋa Hamolekɛtə lɩrɩ Yiswəhodə, də Abiyezɛrə, də Mala. 19 Swemida bɩ̀á nə yɩn Ahɩyan, də Siswɛmə, də Liki, də Aniyamə.

Efərayimə dwíí dəkuu yoo

20 Efərayimə dwíí nə yɩ ʋ bìú Sutela, də Sutela bìú Berɛdə, də Berɛdə bìú Tahatə, də Tahatə bìú Eleyada, də Eleyada bìú Tahatə, 21 də Tahatə bìú Zabadə, də Zabadə bìú Sutela. Ezɛrə də Eleyadə, ba nə yɩ Efərayimə bɩ̀á bələ duən, vəli sə ba vɩrɩ Gatə tɩ̀án vàná, yá Gatə tɩ̀án bara tə dàń gʋa ba. 22 Ba nyɩna Efərayimə dàń yɩn lúə́ pucʋnɩ wa dɩan kapʋpʋ, yá ʋ nubɩa twi ba kòrì wá. 23 Kʋ kwa nə Efərayimə də ʋ kan tə yəni duən, yá ʋ kan tə jɩn pùə́, ʋ lɩra bibɛɛ, ʋ dɩ ʋ yɩrɩ Beriya, pucʋnɩ yà nə zʋa ʋ dìə̀ tə wa yɩrɩ. 24 Efərayimə jɩn bʋ̀á də, ʋ yɩrɩ nə yɩ Swera. Bʋ̀á təntə nə lwə̀ tɩa con Bɛtə-Horon, də yuu con Bɛtə-Horon, də Uzɛnə-Swera. 25 Beriya dwíí nə yɩ ʋ bìú Refa, də Refa bìú Reswɛfə, də Reswɛfə bìú Tela, də Tela bìú Tahan, 26 də Tahan bìú Ladan, də Ladan bìú Amihudə, də Amihudə bìú Eliswama, də 27 Eliswama bìú Nunə, də Nunə bìú Zozuwe.

28 Ba lʋʋ nii də ba sànɩ́ yà nə yɩ Betɛlə, də kʋ nii tibii tə, də Naran, kʋ nə wulə yɩɩ yipɩan con, də Gezɛrə, kʋ nə wulə yɩɩ yizwɩa con, də kʋ nii tibii tə, də Siswɛmə, də kʋ nii tibii tə, kʋ va kʋ yí Aya, də kʋ nii tibii tə.

29 Manase dwíí tə yà nə tɩ Bɛtə-Swan, də kʋ nii tibii tə, də Tanakə, də kʋ nii tibii tə, də Megido, də kʋ nii tibii tə, də Dɔrə, də kʋ nii tibii tə. Mə Yɩzərayɛlə bìú Zʋzɛfə bɩ̀á tə yɩn tɩan təntə wa.

Aswɛrə dwíí dəkuu yoo

30 Aswɛrə bɩ̀á nə yɩ Yɩməna, də Yiswəva, də Yiswəvi, də Beriya, də ba nakʋa Sera. 31 Beriya bɩ̀á nə yɩ Ebɛrə, də Maləkɩyɛlə. Maləkɩyɛlə nə dɩga Birəzayitə tɩʋ tə də̀ń. 32 Ebɛrə lɩrɩ Yafəlɛtə, də Swomɛrə, də Hotamə, də ba nakʋa Swuwa. 33 Yafəlɛtə bɩ̀á nə yɩ Pasakə, də Bimalə, də Aswəvatə. Mə ba mʋ̀ nə yɩn Yafəlɛtə bɩ̀á. 34 Swemɛrə bɩ̀á nə yɩ Ahi, də Roga, də Huba, də Aramə. 35 Ʋ nubiu Elɛmə bɩ̀á nə yɩ Sofa, də Yɩməna, də Swelɛswə, də Amalə. 36 Sofa bɩ̀á nə yɩ Suwa, də Harənefɛrə, də Swuwalə, də Beri, də Yiməra, 37 də Besɛrə, də Hodə, də Swama, də Swiləswa, də Yitəran, də Bera. 38 Yetɛrə bɩ̀á nə yɩ Yefune, də Pisəpa, də Ara. 39 Ula bɩ̀á nə yɩ Ara, də Hanɩyɛlə, də Risɩa.

40 Bara təntə mama yà yɩ Aswɛrə dwíí. Ba yà yɩ dìì tɩ̀án nəzəŋə, ba nə yɩn kwatara babɩran, ba ga ya pàbɩ̀á yun tɩ̀án. Ba yɩn bara 26 000, ba nə pʋ́pʋ́nɩ́ ba yɩra, ba nə jə kwatarɩ zɩla, sə ba ma ta kʋ̀ʋ̀.