Pɛ̀gá tə Yɩzərayɛlə lɩ̀à nə ta ba də́
12
1 Nə̀ń pɛ̀gá tə, Yɩzərayɛlə lɩ̀à tə nə dí yáá ba gʋ lʋʋ nii tə wa, kʋ nə wulə Zʋrədɛn mʋnaa tə yɩɩ yipɩan con, ba ga jon kʋ. Kʋ lʋʋ nii təntə zɩgɩ Arənon nacoru tə nə, kʋ va kʋ yí Ɛrəmon paan tə, də Araba tə mama, yɩɩ yipɩan con.2 Təntən pɩ̀ʋ́ tə yɩrɩ nə yɩ Sihon. Ʋ yà yɩ Amɔrə dwíí tə pɩ̀ʋ́. Ʋ yà yɩ ʋ wulə Ɛswəbon nə. Lʋʋ nii tə ʋ yà nə də́ pàrɩ̀ kʋ yuu wa, zɩgɩ Arɔwɛrə nə, kʋ nə wulə Arənon nacoru tə nii nə, kʋ ja Galadə nagwanaa tə faan, kʋ súrí lá, kʋ va kʋ yí Yabɔkə nacoru tə. Yabɔkə nacoru tə nə yɩ Amɔrə dwíí lʋʋ nii tə, də Amon dwíí lʋʋ nii tə sɩswɩan. 3 Sihon yà tə də́ pàrɩ̀ Araba tə də yuu wa, kʋ nə zɩgɩ Kinerɛtə mʋʋ tə nə, kʋ nə wulə yɩɩ yipɩan con, kʋ va kʋ yí Araba mʋʋ tə, ba nə boŋə Nəkuən mʋʋ, kʋ də nə wulə yɩɩ yipɩan con, Bɛtə-Yeswimɔtə vàn con, kʋ ja jɩgwiə saparʋ tə, kʋ nə vələ Pisəga paan tə də̀ń con, kʋ súrí lá.
4 Pɩ̀ʋ́ tə don tə yɩrɩ nə yɩ Ogə. Ʋ yà yɩ Baswan pɩ̀ʋ́, ʋ ga yɩ Rafa dwíí tə talɩkwa lɩ̀à tə wa lìù don. Ʋ yà yɩ ʋ wulə Aswətarɔtə də Edəreyi nə. 5 Lʋʋ nii tə ʋ yà nə də́ pàrɩ̀ kʋ yuu wa, zɩgɩ Ɛrəmon paan tə nə, kʋ va kʋ yí Saləka tɩʋ tə, də Baswan mama, kʋ va kʋ nan Geswurə də Maaka tɩan tə sɩswɩan nə. Kʋ tə súrí Galadə lʋʋ nii tə faan nə, kʋ va kʋ nan Sihon, ʋ nə yɩ Ɛswəbon pɩ̀ʋ́, payuu tə nə. 6 Ba-Yígúrə́-Jə-Tiu tʋtʋnʋ Moyizə, də Yɩzərayɛlə lɩ̀à tə yà ta ba mʋ̀ pɛ̀gá bələ təntə, ba də́. Yá Ba-Yígúrə́-Jə-Tiu tʋtʋnʋ Moyizə dàń pɩn ba lʋʋ nii tə Ribɛn dwíí tə nə, də Gadə dwíí tə nə, də Manase dwíí tə faan nə.
7 Nə̀ń pɛ̀gá tə Zozuwe də Yɩzərayɛlə lɩ̀à tə nə gʋa lʋʋ nii tə wa, kʋ nə wulə Zʋrədɛn mʋnaa tə yɩɩ yizwɩa con. Kʋ lʋʋ nii təntə zɩgɩ Baalə-Gadə nə, kʋ nə wulə Liban vara tə wa, kʋ va kʋ yí Halakə paan tə, ka nə wulə Seyirə con. Zozuwe tarɩ lʋʋ nii təntə, ʋ pa Yɩzərayɛlə dwíə́ tə nə, ndə nətʋ tə nə, dwíí mama yà nə mɛ sə kʋ na. 8 Kʋ mʋ̀ nə yɩ pɛɛn nagwanaa tə, də Swefela* nagwanaa tə, də Araba* tə, də pɛɛn con nagwanaa tə, də kasɔɔ lanworu tə, də Negɛbə nagwanaa tə. Lʋʋ nii təntə yà yɩ Ɛtə dwíí tə, də Amɔrə dwíí tə, də Kanaan tɩ̀án, də Perizi dwíí tə, də Evi dwíí tə, də Yebusə tɩ̀án, nə wulə kʋ wa.
9 Tɩan tə tə pɛ̀gá nə, Zozuwe də Yɩzərayɛlə lɩ̀à tə gʋa.
Zweriko pɩ̀ʋ́, nədʋ.
Ayi, kʋ nə bwə́lə́ də Betɛlə, pɩ̀ʋ́, nədʋ.
10 Zwerizalɛmə pɩ̀ʋ́, nədʋ.
Ebəron pɩ̀ʋ́, nədʋ.
11 Yarəmutə pɩ̀ʋ́, nədʋ.
Lakiswə pɩ̀ʋ́, nədʋ.
12 Egəlon pɩ̀ʋ́, nədʋ.
Gezɛrə pɩ̀ʋ́, nədʋ.
13 Debirə pɩ̀ʋ́, nədʋ.
Gedɛrə pɩ̀ʋ́, nədʋ.
14 Ɔrəma pɩ̀ʋ́, nədʋ.
Aradə pɩ̀ʋ́, nədʋ.
15 Libəna pɩ̀ʋ́, nədʋ.
Adulamə pɩ̀ʋ́, nədʋ.
16 Makeda pɩ̀ʋ́, nədʋ.
Betɛlə pɩ̀ʋ́, nədʋ.
17 Tapuwa pɩ̀ʋ́, nədʋ.
Efɛrə pɩ̀ʋ́, nədʋ.
18 Afɛkə pɩ̀ʋ́, nədʋ.
Laswaron pɩ̀ʋ́, nədʋ.
19 Madon pɩ̀ʋ́, nədʋ.
Hasɔrə pɩ̀ʋ́, nədʋ.
20 Swiməron-Meron pɩ̀ʋ́, nədʋ.
Akəswafə pɩ̀ʋ́, nədʋ.
21 Tanakə pɩ̀ʋ́, nədʋ.
Megido pɩ̀ʋ́, nədʋ.
22 Kedɛswə pɩ̀ʋ́, nədʋ.
Yokəneyamə, kʋ nə wulə Karəmɛlə nə, pɩ̀ʋ́, nədʋ.
23 Dɔrə, kʋ nə wulə digə tə wa, pɩ̀ʋ́, nədʋ.
Goyimə, kʋ nə wulə Giləgalə nii nə, pɩ̀ʋ́, nədʋ.
24 Tirəsa pɩ̀ʋ́, nədʋ.
Ba mama yɩn pɛ̀gá fɩtwa də nədʋ.