On israelitas kijtouaj nokuepaskej itech toTEKO
6
Kemaj on israelitas okijtojkej: "Xuajuiyan nenmochimej, niman ma titokuepakan itech toTEKO. Yejua semi yotechtlankojkoton, pero no ijki yejua techpajtis; yejua otechkojkokoj, pero no ijki yejua techtetejkuiyalis totlakokol. H version: 1 Kemaj on israelitas okijtojkej: "Xuajuiyan nenmochimej, niman ma titokuepakan itech toTEKO. Yejua semi otechxoxotonij, pero no ijki yejua techpajtis; yejua otechkojkokoj, pero no ijki yejua techtetejkuiyalis totlakokol. 1 Entonces los israelitas dijeron: “Vengan todos, y volvamos al Señor. Él nos deshizo muy bien, pero también él nos curará; él nos hirió, pero también él nos vendará nuestras heridas. 2 Xuejkajtika yes ijkuak kichiuas ma tipajtikan; techkuiteuas para oksejpa tinemiskej ixpan. 3 Ma tikchiuakan kanika para ma tikixmatikan toTEKO, niman ijki, toTEKO uajlas totech! Yejua melauak uajlas totech, ijkon ken melauak uajkisa on tonaltsintli niman ijkon kenon kiautli melauak katekia on tlajli ipan atliuetskatlaj niman ipan tlakiskatlaj."On israelitas noyoltechikauaj niman xkinekij kajkauaskej iminauilnemilis
4 Pero toTEKO ijkin okinnankilij: "¿Tlinon nikchiuas mouan, Israel? ¿Tlinon nikchiuas mouan, Judá? On tetlajsojtlalistli yejuan nenkijtouaj nennnechpiyaliaj, nimantsin popoliui, no ijki ken itlaj on ayautli yejuan onkaj ijkuak kualkan, noso ken itlaj on ajuichtli yejuan xini ijkuak ye tlanesis. 5 Yejua ika, nejua yonemechxoxotonij ika intlamachtiluan notiotlajtojkauan, ika notlamachtiluan yonemechmiktij. On tlajtlakolmakalistli yejuan nemechmaka mechtlatia ken itlaj on tlapetlanajli. 6 Nejua nemechtlajtlanilia yej melauak xnechtlajsojtlakan niman maka yej san xnechajkuilikan on nemouen. On tlen nejua más nikneki, yej melauak xnechselikan ken ninemoDios, xyej san nikneki on uentli yejuan nennechuentlaliliaj ipan nemotlaixpan.
7 'Pero nemejuamej notlapejpeniluan no ijki onenkichijkej ken Adán, xonenkitlakamatkej nopacto, yej yonenechtlalkauijkej. 8 Galaad sen ueyikalpan kampa chantij on xompayejyeuamej tlakamej, kampa nemij miyekej yejuan yotemiktijkej. 9 On tiopixkej kenon tlachtekej yejuan sa kimpijpiyaj on tlakamej para kintlachtekiliskej; temiktiaj niman kichiuaj nochi kech tlajtlakojli ipan on ojtli yejuan yau ne Siquem. 10 Ne Israel yonikitak tlajtlamach tlinon nochiua yejuan sanoyej xkuajli. Yejuamej on yejuan ompa chantij onouikakej ken sen siuaauilnenki. Yejua ika yejuamej xok chipajkej nixpan. 11 No ijki para tejua Judá, yoyejkok on tonajli ijkuak tikselis mocastigo ipampa motlajtlakoluan, ken tikpixkaskia on tlakyotl yejuan otiktôkak.