On país Egipto uetsis ken itlaj cedrojkojtli yejuan yokitsontekej
31
Ipan on achtoj tonajli de on ika yeyi metstli, ijkuak tikuikayaj majtlaktli iuan se xipan ika otechajsikej niman otechuikakej ne Babilonia, toTEKO onechnots niman onechijlij: 2 “Tejua tlaltikpaktlakatl, xkijli on rey de Egipto niman nochimej on egipcios ika nejua ijkin nikinmijlia:“¿Iuan tlinon uelis niktemachiuas moueyilis?
3 Titlajtlamati kenon cipreskojtli noso on cedrojkojtli yejuan onkaj ipan on tepetl Líbano,
ikan imakojyouan kualtetsitsimej yejuan kitlaseuayotilia on kojyoj,
yejuan sanoyej uejkapan ikuayak yejuan ajsi ipan on moxtin. q1 4 On kiautli niman on atl yejuan yajtok ijtik tlajli
okipaleuijkej ma noskalti;
opeu onokej ríos iyeualkan
kampa yejua toktikatka;
on iayajtoktsitsiuan okinmatekij
más onoskaltij xken on oksekimej kojtin yejuan onkaj ipan on kojyoj;
imakojyouan más omiyekiyakej
niman sanoyej onoskaltijkej.
6 Nochimej on sesentlamantikej totomej
kichijchiuayaj intepasoluan ipan on imakojyouan;
niman tlatsintlan de on imakojyouan,nochimej on sesentlamantikej tepeyolkej.
Ipan itlaseuajlo miyekek naciones niyanaj.
7 Yejua on kojtli kualtetsin niman uejkapan katka,
imakojyouan ueueyakej katkaj
pampa on ineluayouan onkatkaj
kampa onkaj miyek atl.
8 Nion se cedrojkojtli yejuan onkatka ipan ixochitlan Dios
tlajtlamatiya ken yejua;
nion se pinojkojtli kipiyaya imakojyouan ken yejua,
nion se castañojkojtli kipiyaya sanoyej miyej ixojyo ken yejua xojyoj katka,
nion se kojtli yejuan onkatka ipan ixochitlan Dios
katka sanoyej kualtetsin ken yejua.
9 Nejua onikchijchiu kualtetsin niman ika sanoyej miyek imakojyouan;
on oksekimej kojtin yejuan onkatkaj ne Edén, kampa ixochitlan Dios,
yejuamej kinexikolitayaj.
10 ' 'Yejua ika tej, nejua akin niiTEKO Dios Israel, ijkin nikijtoua: Pampa on cedrojkojltli yejuan kixnextia on país Asiria, sanoyej onoueyimat ika sanoyej ouejkapanyak, niman on ikuapan oajsik hasta ipan on moxtin, 11 nejua xok oniknek onikitak. Yejua ika, oniktemaktilij itech sen rey yejuan xchanej para ocastigaroj ken kimelaua ipampa ixompayejyeualis. 12 On yejuan xchanejkej, yejuan nion achijtsin xteiknelianij, okitsontekej niman okitlajkaltejkej. Niman on imakojyouan opojpostekej niman ochajchayajkej ipan on tepemej, ipan ixtlauamej niman ipan iatlauyouan on país. Niman nochimej on miyekej naciones yejuan noseuiyayaj ipan itlaseuajlo, oyajyajkej niman okitlalkauijkej. 13 Niman nochimej on sesentlamantikej totomej, onotlajtlalikoj ipan on kojtli yejuan tlajkaltok, niman nochimej on sesentlamantikej tepeyolkej onotejtemakoj intech imakojyouan. 14 Aman tej, xokaman okse kojtli ijki uejkapanyas maski ijkas nisiu itech atl, nion xokaman okse kojtli on ikuapan ajsis hasta ipan on moxtin, maski sanoyej kuajli katekiskej. Yej ika onkaj nochimej mikiskej niman uejkatlan kintlaltôkaskej, no ijki ken kintlaltôkaj nochimej on tlaltikpaktlakamej yejuan noueyimatij.
15 ‘ 'Nejua akin niiTEKO Dios Israel, ijkin nikijtoua: Ijkuak on más uejkapan cedrojkojtli oyaj ne miktlan, nejua onikchiu para on uejkatlan mar onajman niman ouak; niman on ríos niman on ayajtoktsitsimej onikinuats para makasa ma onyakan. Ipampa on uejkapan cedrojkojtli, onikchiu ma tlayouatia ipan on tepeyoj Líbano, niman nochimej on kojtin yejuan ompa onkatkaj, ouajuakej. 16 Ijkuak nejua oniktitlan ne miktlan para oniksentlalito iminuan on oksekimej kojtin yejuan yomikej, on naciones sanoyej onomojtijkej niman ouiuixkakej ijkuak okakej ken chikauak ouets. Niman on kojtin de on noxochitlan Edén niman de on tepeyoj Líbano, yejuan sanoyej kualtsitsimej katkaj niman sanoyej kipiyayaj atl, hasta oyolpakkej ijkuak okitakej ika on kojtli yejuan sanoyej noueyimatiya no ompa yoajsik miktlan kampa yejuamej nemij. 17 Nochimej on tlayekankej ipan on oksekimej naciones yejuan kipaleuiyayaj on cedrojkojtli niman itech notonalseuiyayaj, no okinmiktijkej niman oyajkej miktlan ken yejua. Niman onosentlalitoj iminuan on yejuan okinmiktijkej ipan nouijsokilistli. 18 In cedrojkojtli, no mitsixnextia tejua rey de Egipto iuan nochimej mochanejkauan. Tejua tiknemilia xonkaj okse país yejuan más ueyixtikaj niman kualtetsin ken mopaís. Pero on mopaís no xoxotonis ken Asiria oxoxoton niman ken on oksekimej países oxoxotonkej. Tejua iuan mochanejkauan no nenyaskej miktlan niman ompa nenmokauaskej iminuan on yejuan xonechneltokakej, yejuan okinmiktijkej intlauelikniuan. Ijki mopan nochiuas tejua rey de Egipto iuan nochimej on mochanejkauan egipcios. ¡Nejua akin niDios, ijki yonikijtoj nemopan nochiuas!' ”