On ajmankakuikatl impampa on reyes de Israel
19
'Niman tejua tlaltikpaktlakatl, xmokuikati in ajmankakuikatl impampa on reyes de Israel:2 ' 'Israel katka ken sen leona yejuan nantli,
yejuan chantiya intsajlan oksekimej leones.
Niman intsajlan on leones, okinmiskaltij ikoneuan.
3 Semej on ikoneuan {-yejuan kixnextia on rey Joacaz}, sanoyej kuajli okiskaltij
hasta kaman kuajli oueyiyak,
niman on leona okiueliltij kinmajsi yolkej para kinkuaya,
niman no kinkuaya on tlakamej.
4 Ijkuak ipan on oksekimej naciones okakkej ken kiteneuayaj,
on tlakamej okitlatlalilijkej ipan sen tlaltekontli para okajsikej.
Kemaj, okitilankej ikan teposchijkoltin
hasta ipan on país de Egipto.
5 Niman ijkuak on leona okitak ika on ikoneu xokaman uajnokuepas,
okiskaltij okse ikoneu yejuan kixnextia on rey Joaquín, niman okititij ken tlauelej yes.
6 Niman ijkuak in león kuajli youeyiyak,
sa paxalojtinemiya ikan noueyimatilistli intsajlan on oksekimej leones,
niman ouel kinmajsi yolkej yejuan kinkuaya,
niman no kinkuaya on tlakamej.
7 Yejua kinxoxotoniaya on uejueyimej kaltin tepantilajkej
kampa on soldados nomanauiyaj,
niman kinxoxotoniaya on uejueyikalpanmej.
Ijkuak yejua nanalkaya, nochimej on tlaltikpaktlakamej kuekuetlakayaj.
8 Kemaj on soldados de on naciones
yejuan nisiu onokej, okixnamikej.
Okitlatlalilijkej ikan iminmatlau
niman ijki okajsikej ipan on tlatlalijli.
9 Niman okitilankej ikan teposchijkoltin para okitsakuatoj.
Kemaj okuikilijkej on rey de Babilonia;
niman ne Babilonia okalaktijkej ipan cárcel
para makasa kaman yakaj kakis ken nanalka
ipan on tepemej de ne Israel.
10 ' 'Nemejuamej israelitas, in tonación nesiya ken itlaj on uvajkuamekatl
yejuan tôktoya itenko atl.
Sanoyej tlaktikatka ikan uvas niman sanoyej mayeualtik katka
pampa kipiyaya miyek atl.
11 On uvajkuamekatl sanoyej onoskaltij,
niman oajsik hasta ipan moxtli.
Desde uejka nochimej ueliyaj kitayaj
pampa sanoyej uejkapan katka niman mayeualtik katka.
Imakojyouan sanoyej chijchikajkej katkaj,
niman inka kinchijchiuayaj topiltin
yejuan kixnextiayaj ipoder sen rey.
12 Pero okitlaueluiuitlakej
niman okichapanijkej ipan tlajli.
Kemaj on ajakatl yejuan ualeua ikisayan tonaltsintli, okuats,
niman on itlakyo nochi oxin.
Niman on imakojyouan yejuan sanoyej chijchikajkej katkaj,
no ouakkej, niman okintlatijkej.
13 Aman tej, yej tôktikaj ipan on xalpatlajkan,
kampa tlaluakan niman xitlaj atl.
14 Niman ipan imakojyouan kisa sen tlimilinajli
yejuan kitlatia imakojyotsitsiuan niman itlakyo.
Aman tej, xok kipiya imakojyouan yejuan chijchikajkej,
yejuan ueliskia yeskia intopil on reyes
yejuan ika tlamandaroskej.' "
(Yejua in, yejua sen ajmankakuikatl, niman yejua kinokuikatiskej ijkuak yakaj mikis.)