Ikoneu Isaías, itoka ken sen neskayotl
8
ToTEKO onechijlij: "Ipan sen ueyi tabla ikan uejueyi letras, xkijkuilo in tokayotl, 'Maher-salal-hasbaz', yejuan kijtosneki 'Amantsin mechkuiliskej tlen nenkipiyaj'. 2 Kemaj xkinuika ome teixpantilijkej yejuan kipiyaliaj tlakaitalistli. Xkuika on tiopixki Urías niman no xkuika Zacarías, yejuan ikoneu Jeberequías, para kitaskej on tlen tikijkuilos."3 Más sakin iuan oninotekak nosiuau yejuan siuatiotlajtojketl katka. Niman yejua okan ikonetsin niman okitlakatilij sen tlakakonetl. Kemaj toTEKO onechijlij: "On mokoneu xtokayoti 'Maher-salal-hasbaz', 4 pampa antes on tlakakonetl uelis kijtos 'tataj' niman 'nanaj', Damasco niman Samaria kinmichtekiliskej on tlajtlamach tlen kipiyaj, niman nochi on tlajtlamach kiktiliskej on rey de Asiria."
5 Niman kemaj toTEKO oksejpa onechnots niman onechijlij: 6 "On chanejkej Judá kuajli nikincuidarouaya. Para yejuamej nikatka kenon atl yejuan meya ne Siloé yejuan san kuajli yajtok, pero yejuamej onechchichijkej. Yejuamej yej kitlakaitaj on rey Rezín niman on rey Peka. 7 Yejua ika, nejua akin niiminTEKO nikinuajtitlanilis on rey de Asiria iuan nochi isoldados. Uajlaskej kenon kojtik río Éufrates yejuan teapachoua niman hasta pexoni kampa nojuitia. 8 On soldados de Asiria uajtemiskej niman kitepoyaskej imanian Judá. Niman Judá ipan nochiuas ken ijkuak sen tlakatl apachiui niman on atl ajsi hasta ikechtlan. On asirios yejuan kixnamikiskej Judá, uajlaskej ken sen ueyi kuaktli yejuan uajmastlakalpajpatlajtias niman onnochapanis ipan on tlajli Judá. Pero nejua Emanuel, ninemis iminuan on chanejkej Judá niman nikmanauis nochi imintlal.
9 'Naciones, xmosentlalikan niman sanoyej xmomojtikan pampa mechuijsokiskej niman mechmiktiskej; xnechkakikan yejuan nenchantij ipan on países yejuan onokej uejka. Maski nemejuamej nenkajsiskej nemoarmas, sanoyej nenmomojtiskej; melauak, maski nemejuamej nenkajsiskej nemoarmas, tlamis mechmiktiskej. 10 Xtlatlajtlalikan ken nenkinemiliaj nenkichiuaskej, pero xijki kisas; xnejnemilikan ken nentlauijsokiskej, pero xijki nochiuas, pampa Dios touan nemi."
ToTEKO san yejua noneki kimakajsiskej
11 ToTEKO onechchikajkanots niman onechijlij para maka ma ninouika kenon chanejkej ne Judá. Onechijlij: 12 "Maka xkijto tla nochi on tlen kichiuaj on tlakamej, ika kinmixnamikij on tlapaleuijkej, ken oksekimej kijtouaj. Maka xmomojtikan niman maka xmakajsikan nochi on tlajtlamach yejuan oksekimej kimakajsij. 13 Nejua akin niDios yejuan nochi ueli nikchiua, san nejua nechtocaroua nennechtlakaitaskej niman nennechmakajsiskej. 14 Para nemejuamej, nejua niyes ken sen tlatlalijli; ken sen tetl yejuan ika on ome reino de Israel nokxitechakuaniskej. Nejua niyes ken sen tlatlalijli kampa onxiniskej on chanejkej Jerusalén. 15 Miyekej nokxitechakuaniskej, uetsiskej niman mikiskej; miyekej uetsiskej ijtik on tlatlalijli, niman ompa nokauaskej."
On tlamachtijli yejuan Isaías okinmakak inomachtijkauan
16 Kemaj Isaías okinmijlij inomachtijkauan: "Nemejuamej nomachtijkauan, kuajli xkiyanakan in tlajtoltin; maka xpanextikan notlamachtiluan. 17 Maski toTEKO xok kineki noteititis intech ikoneuan Jacob, nejua niktlalis nochi noyojlo yejua itech. Nejua itech yejua nitlamachas. 18 ToTEKO yejuan nochi ueli kichiua niman yejuan chanti ipan on tepetl Sión, onechajtitlan nejua niman nokoneuan para totechkopa kinmixnextilia on israelitas on tlinon yejuamej xkuajli impan nochiuas. a Isaías kijtosneki "ToTEKO temakixtia; Sear-jasub kijtosneki "On yejuan omakiskej oksejpa nokuepaskej, niman Maher-salal-hasbaz kijtosneki "Xuejkajtika yes ika tlachtekilos niman tlaxoxotoniskej.\f* 19-20 Manin on tlakamej ijkin mechijliskej: 'Nochi tlakatl yau intech imindioses niman kinnotsaj intonal on mikatsitsimej para itlaj kintlajtoltiaj, niman para kiseliaj tlanauatiltin noso itlaj tlajtojli de yejuamej. Yejua ika tej, nemejuamej no itlaj xkintlajtoltikan intonal on mikatsitsimej, noso itlaj xkintlajtoltikan on yejuan tetlatejtemouiliaj, yejuan teichtakaijliaj on tlen kitaj.' Tla ijkin tej mechijliskiaj, nemejuamej maka nenkichiuaskej pampa nochi on san tlakajkayaualistli.
21 'On israelitas sa kanika yajyaskej, pampa tlajyouiskej niman apismikiskej. Yejuamej tlauelmikiskej pampa apismikiskej. Yejuamej ajkotlachaskej niman kuijuikaltiskej iminrey niman iminDios. 22 Niman kemaj ijkuak ontlachaskej nochiuiyan ipan in tlajli, yejuamej san kitaskej tlajyouilistli niman tlayouajlotl, temojtij tlayouajlotl niman ajmantli. Nochiuiyan nokauas tlayouatok.