Ichpochmej de Jerusalén
6
¿Kanon oyaj motlajsojkatsin, tejua siuatl, akin más tikualtetsin de nochimej on siuamej? ¿Kanika oyaj? ¡Xtechijli niman tiaskej mouan tikontejtemoskej!On Ichpochtli
2 On notlajsojkatsin otemoto ipan ixochitlan, ipan on ixochitlan kampa tlajuiyaxtok, niman kampa okintlakuajkualtito iborregos, niman okitejtekito on xochitl rosas 3 Nejua niiyaxka notlajsojkatsin, niman yejua noyaxka. Yejua kintlakuajkuaktia iyolkauan ijtik on xochitlan de rosas.
Ika makuijli kuikatl
On telpochtli
4 Tejua notlajsojkatsin, sanoyej tikualtetsin niman sanoyej tinechyoleua, kenon ueyikalpan Tirsa niman Jerusalén. Sanoyej kualtetsin tinesi, ken kualtsin nesij on soldados yejuan san sekan tekpantiuij. 5 ¡Makasa xnechtlajtlata, pampa mixtololojuan sanoyej xnikinxikoua! On motson, ken itlaj on chivitos yejuan uajnajauiltijtiuij ipan itepeuan on tlajli Galaad. 6 Motlanuan, san sekan mantoken kenon borregos ijkuak san sekan uajmantiuij sanoyej istakej kenon kemach okonminaltijkej. ipan on tlapakaloyan. Nochimej yejuamej kipiyaj innamik, xitlaj motlan poliui. 7 On okan moxayak, nesi ken ome tlatlajkotipan granada yejuan uajnestokej tlatsintlan de movelo. 8 Maski nemiskej sesenta reinas, niman ochenta, on yejuan tetlakpasiuauan, niman xtlapoualtin yejuan ichpokamej, 9 nejua san se nikneki. Yejua kualtetsin ken se pichontsin. San se yejuan inanaj okitlakatilij; san se yejuan inanaj kitlajsojtla. Hasta on reinas niman on tetlakpasiuauan kiueyiteneuaj. 10 ¿Manin akin siuatl in yejuan uajnesi kenon tonaltsintli ijkuak kualkan? Sanoyej kualtetsin kenon metstli, petlanki kenon tonaltsintli, ¡sanoyej kualtetsin nesi, ken kualtsin nesij on soldados yejuan san sekan tekpantiuij!
On ichpochtli a
11 Oniaj ijtik on kojyoj kampa onokej on kojtin nogales; onikpakaitato ken tlaxoxojkan itenko on ayajtoktsin, para onikpakaitato ken ye itsmolintikaj on tlatoktin de uvas niman ken ye xochiyouatokej on granadajkojtin. 12 Sakin, xok onikmat tlinon onochiu. Sa onikitak ye ninemi ipan sen carreta de nouijsokilistli yejuan iyaxka Aminadab, iuan on notlajsojkatsin.
On ichpochmej de Jerusalém
13 ¡Xuajmokuepa, Sulamita! ¡Xuajmokuepa, tiknekij timitsitaskej!
On ichpochtli
¿Tlinon nenkinekij nenkitiliskej in Sulamita? ¡Tiknekij tikitaskej ken nijtotia teixpan!