-19-
24
Maka timoxikos de on xompayejyeuamej, nion maka tiknekis iminuan tikistinemis, Maka timoxikos impampa on xompayejyeuamej, nion maka tiknekis iminuan tikistinemis, 2 pampa yejuamej san kinemilijtokej kenijki teuijsokiskej, niman sa kijtojtokej tlinon xkuajli kichiuaskej. -20-
3 Ikan tlamachilistli kipeualtiaj icimientos sen kajli, niman ikan tlamatkilistli kichijchiuaj on kajli. 4 Ikan tlamachilistli, kitemiltiaj ikalijtikau on kajli ika on tlajtlamach* tlen patioj niman kualtsitsimej.
-21-
5 Más ueyi kitosneki sen tlakatl yejuan tlamatki* xken yejuan kojtik. Más ueyi kitosneki on tlaixmatkilistli xken on poder. 6 On nouijsokilistli kuajli kinemiliaj kenijki nochiuas, niman on tetlanilistli kisa intech miyekej tetlakanonotskej.
-22-
7 On yejuan tonto xkimati tlinon kijtos imixpan on jueces pampa xkipiya tlamatkilistli.
-23-
8 Yejuan san kinemilijtikaj kitechiuilis tlen xkuajli, kixmatij ika “xompayejyeua”. 9 On tlen kinemilia kichiuas sen tonto, yejua tlajtlakojli. Nochimej kitlauelitaj sen tlakatl yejuan tekauetska.
-24-
10 Tla nimantsin timoyolmajxaloua ijkuak itlaj xkuajli mopan nochiua, kijtosneki semi xtiyolchikauak.
-25-
11 Xkinmanaui on yejuan yokintlajtlakolmakakej para kinmiktiskej ijkuak xitlaj* xkuajli okichikej. Xteltlali on mikilistli yejuan kinekij kichiuaskej, 12 pampa maski tikijtos ika xtikmatiya, on yejuan kita moyojlo kimati on tlen tikmatiya. Nochi ueli kita niman xmitsixkaua. Yejua kitlaxtlauilia tlinon kichiua cada se.
-26-
13 Nokoneu, xkua on tsopelik nekutli yejuan kisa ipan on tekamasosojli. Xmati ken sanoyej uelik. 14 Niman no ijki xmati ika on tlamatkilistli niman on kajsikamatilistli tsopelik para moyojlo. Tla tejua tiknextia, kuajli tontlamis ipan monemilis, niman xkaman yakaj uelis kixoxotonis motlamachalis yeuan tikpiya.
-27-
15 Maka xnejnemilijtia tikchiuilis tlen xkuajli sen kuajli tlakatl yejuan tlakamej kitlakaitaj, nion maka tikonxoxotonilis ichan, 16 pampa yejua maski chikomepa uetsis, oksejpa nokuiteuas, pero on yejuan xompayejyeuamej uetsiskej ipan pinaualistli.
-28-
17 Maka ika tipakis niman tikuetskilis tla nantikisa niman uetsi motlauelikniu, 18 pampa tla ijkon tikchiuas, toTEKO tikualanis, niman manin xkicastigaros.
-29-
19 Maka xkinkualankaita on xkuajkualtin tlakamej, nion maka timoxikos de on xompayejyeuamej, 20 pampa on xompayejyeua xkuajli ontlamis ipan inemilis. ¡On xompayejyeua seuis ken itlaj tlauijli!
-30-
21 Nokoneu, xtlakaita Dios niman xtlakaita on rey. Niman maka iminuan xmouika yejuan xipan teitaj, 22 pampa yejuamej amanaman impan uajlas tlaxoxotonilistli. Niman xakaj kimati tlen castigo on rey niman Dios kimakaskej.
Okseki tlajtoltin yejuan okijtojkej on tlamatkej*
23 Yejua in uejueyitlajtoltin no yejuamej on tlamatkej* okijtojkej: Xkuajli para on teyolkuitijkej techikoitaskej ne kampa teyolkuitiaj. 24 On juez yejuan kimakauas sen tlakatl yejuan okichiu itlaj xkuajli, nochi tlakatl kitlauelis, niman on naciones kitlauelitaskej. 25 Pero on teyolkuitijketl yejuan castigaroua on tlakatl yejuan xkuajli itlaj okichiu, kiselis tlen kuajli, niman nochi tlakatl kikuajliteneuas.
26 Sen tlakatl yejuan nochipa melajki tenankilia, nesi ika yejua melauak kuajli tetlajsojkaikniu.
27 Achtoj xtekiti ipan momijlaj para titôkas, niman kemaj uelis tikchijchiuas mokal.
28 Maka yakaj tiktlajtolketsteuilis, nion maka titlakajkayauas.
29 Maka kaman xkijto tiktlakuepiltis on yejuan omitschiuilij tlen xkuajli. ¡Maka ijkon xkijto!
30 Se tonajli onipanok kampaka imijlaj sen tontoj tlatsijki kampa onka iuvasyoj. 31 Niman onikitak sanoyej uitstlaj. No, on tlajli otlapachiu ika xkuajli xojtli, niman on tecorral yejuan ika yeualtsakutikaktaj, yoxoxotonka. 32 Ijkuak ijkon onikitak, xok onikelkau, niman ijkin onikijtoj ika xijki nikchiuas. 33 Chika se tonalkochi niman hasta nomanepanojtok para iyolika kochi, 34 on mayantli ipan yejkotetsis ijkuak xkichixtikaj, ken yakaj ichteki yejuan kuajki itepos.