Salmos
On yolchipajkej niman on tlajtlakolejkej
1
Sanoyej pakis on yejuan xkichiua tlinon kijliaj on xompayejyeuamej,
nion xau ipan inojui on tlajtlakolejkej,
nion ximinuan nosentlalia on yejuan ika uetskaj Dios.
2 Yej kuelita itlanauatil toTEKO
niman ipan tlanemilia
ikan tonajli niman ikan yeuajli.
3 Yejua ken sen kojtli*
yejuan tôktikaj ipan iatenko sen río.
Tlaki nochipa ijkuak kitocaroua,
niman xkaman xojyoxini.
Ijkon tej, nochi tlen kichiua on tlakatl kuajli kisa.
Yejuamej ken itlaj polokatl
ijkuak kichajchayaua ajakatl.
5 Yejua ika, Dios kintlajtlakolmakas
on xkuajkualtin tlakamej,
niman on tlajtlakolejkej xinuan kimpouaskej on yolchipajkej.
6 Ijkon tej, toTEKO kinmixmati
ken nouikaj on yolchipajkej
niman kinmejeua,
pero on xkuajkualtin tlakamej popoliuiskej.