Tejua tinokoneu
2
¿Tline xipan kitaj Dios on naciones niman on tlakamej yejuan xkineltokaj?
¿Tline kinemiliaj kichiuaskej on tlen xitlaj* ika kimpaleuis?
2 On reyes niman tekiuajkej de in tlaltikpaktli
kinekij kisepanmatiskej para kixnamikiskej toTEKO
niman on rey yejuan yokitlalij.
3 Niman ijkin tsajtsij:
“¡Tejuamej xok tikneki yejua techmandaros!
¡Ika onkaj titomanauiskej de itech!”
4 Pero on toTEKO iluikakchanej,
yej san kinuejuetskilia, niman kintontojmati.
5 Kemaj ikan itlauel kinmomojtia,
niman ijkin kintlauelijlia:
6 Ye kuajli yoniktlalij norey
yejuan tlamandaros Jerusalén
ipan on noyektepeu Sión.
7 On rey okijtoj:
"Nejua nemechmachistia on tlinon toTEKO yotlanauatij:
Yejua yonechijli:
'Tejua tinoKoneu;
niman desde aman nejua nimoTataj.
8 Xnechtlajtlanili ma nimitsmaka ken herencia on naciones,
niman ma nimitsyaxkati nochi in tlaltikpaktli,
niman nejua nimitsmakas.
9 Ikan mobastón de tepostli titlamandaros,
niman tikimpopolos on reyes.
¡Tikintlajtlapanas ken itlaj tepalkamej!' ”
Tikinomiyopojpostekis
ken ijkuak kintlajtlapanaj on kontin de tlalajmojli.
niman tekiuajkej de in tlaltikpaktli,
¡xselikan in tlaixkuitijli tlen mechmachtiaj!
11 ¡Xtlakamatikan toTEKO,
xmakajsikan niman xtlakaitakan!
Xmauistilikan ikan miyekej paktli.
12 Xmotlakuantelketsakan ixpan ikan nemojtijli,
para maka yej kualanis,
niman amanaman nenmikiskej.
¡Sanoyej pakiskej yejuan itech yejua nomanauiyaj!