David noueyikatsajtsilia para toTEKO ma kipaleui
3
NoTEKO, miyekej nechtlauelitaj,sanoyej miyekej on yejuan nechixnamikij.
2 Miyekej kijtouaj: “Dios xkimanauis”!
3 Pero tejua noTEKO, tejua tinoescudo yejuan ika ninotsakuilia.
Tejua tikchiua para ma nechtlakaitakan, niman tinechyolchikaua.
4 Nejua niktsajtsilia noTEKO ma nechpaleui,
niman yejua nechnankilia desde ne ipan on iyektepechanyou.
5 Nejua ninoteka nikochi, niman kemaj oksejpa nitlacha.
Xitlaj nopan nochiua pampa noTEKO yejua nechcuidaroua.
6 Nejua xnikinmakajsi on sanoyej miyekej notlauelikniuan
yejuan nechteyeualojtokej,
yejuan kinekij nechmiktiskej.
7 ¡Xmokuiteua noTEKO!
¡Xnechmanaui noDios!
Tejua xkinxayakauiteki notlauelikniuan.
¡Xkintlanteyojyopeua on xkuajkualtin tlakamej!
8 NoTEKO, san tejua ueli titemakixtia.
¡Tejua xkintiochiua motlapejpeniluan!