ToTEKO yejua temaka yolseuilistli
4
NoDios, notemanauijkau,¡Nimitstlajtlanilia xnechnankili ijkuak nimitsnotsa!
Tejua akin otinechyoltlalij ijkuak ninajmanaya,
¡Xnechikneli niman xnechnankili ipan nooración!
2 Nemejuamej tlakamej yejuan nenmoueyiteneuaj,
¿Hasta kamanon nenkajkauaskej
ika noka nenuestkatiaskej?
¿Hasta kamanon nennechteipanuijtiaskej
ikan tlajtolketsteuilistli?
3 Tlami xmatikan ika toTEKO san kitlajsojtla
yejuan xkaman kitlalkauiya.
Tlami xmatikan ika toTEKO yejua nechkaki
ijkuak niknotsa.
4 ¡Xpiyakan cuidado!
¡Ijkuak nenkualanij, maka xtlajtlakokan!
Ijkuak yonenmotekakej para nenkochiskej
niman xok itlaj kakisti,
xnemilikan tlinon xkuajli onkaj ipan nemoyojlo.
5 Xmakakan Dios uentli ken kitocaroua,
niman itech xtlalikan nemoyojlo.
6 Miyekej ijkin notlajtoltiaj:
“¿Akinon techititis kenijki tikpiyaskej paktli?”
¡Xtechmaka más tlatiochiualistli, toTEKO!
7 Tejua más miyek paktli tinechmaka
xken ijkuak tikipiyaj miyek trigo niman vino.
8 Nejua noyolika ninoteka, niman kuajli nikochtiu,
pampa nikmati ika tejua noTEKO tinechpaleuiya.