Intech on ríos de Babilonia
137
Ipan iatempan on ríos ne BabiIonia,titotlaliayaj niman tichokayaj,
ijkuak tikelnamikiyaj Jerusalén.
2 Ipan imajmauan on kojtli intoka auexomej
tikimpilouayaj totlatsotsonaluan.
3 Ompa on yejuan otechuikakej ken esclavos,
yejuan nochi otechkuilijkej
technauatiayaj ma titokuikatikan ikan paktli.
Ijkin techijliayaj:
"Xmokuikatikan sekimej kuikamej
ken nokuikatiaj ne Jerusalén".
4 ¿Pero kenijki uelis tokuikatiskej kuikamej de toTEKO
ipan in tlajli yejuan xtotlal?
5 Jerusalén, tla kamanian nimitselkauas,
ma uaki noyekma para makasa niuelis niktsotsonas noarpa.
6 Ma nokopak pepechiui nonenpil tla xnimitselnamiki,
tla xniktlajsojkaita Jerusalén
niman yej sanoyej nipaki yejua ika nikelkaua
7 NoTEKO, xkinmelnamiki on edomitas tlinon okijtojkej,
ipan on tonajli ijkuak Jerusalén ouets.
Yejuamej kijtouayaj:
¡Xxojxotonikan,
xxojxotonikan hasta tlatsintlan kampa ipeuayan!
8 ¡Tejua Babilonia, tixoxotonis!
¡Kipiyas paktli on yejuan mitscastigaros
ipampa on tlen otitechchiuilij!
9 ¡Kipiyas paktli on yejuan kinmajsis moselikakoneuan
niman kintlajkalis ipan temej!