ToTEKO yejua techmanauiya intech totlauelikniuan
129
Aman on isrelitas ma kijtokan ken miyek yokipanokej tlajyouilistli,desde ijkuak telpokamej katkaj:
2 "Ipan miyek tlajyouilistli yonipanok desde nitelpochtli,
pero xkaman ueli nechtlanij.
3 Notlauelikniuan sanoyej onechkojkokojkej notlakapan
ijkuak onechtlatsuitekej,
hasta nesi ken ijkuak se yotlaxoponij ikan arado.
4 Pero toTEKO, pampa yolmelajki,
onechmanauij de on xompayejyeuamej."
5 ¡Ma nopinajtikan niman ma cholojteuakan
on itlauelikniuan Jerusalén!
6 !Ma nochiuakan kenon xojtli
yejuan kisa ipan ipani on kajli,
yejuan pilini maski xe kuiuitlaj!
7 On kenon xojtli,
xkaman kitemitia ima on yejuan kipixka trigo,
nion xkaman ika kajxitia se manojo on yejuan kisaloua.
8 Nion kaman yakaj yejuan panos
kampa nemij on pixkakej ijkin kinmijlis:
"¡Ma toTEKO mechtiochiua!"
Nion on pixkakej xkijliskej:
"Ma Dios mitstiochiua."