Itlatiochiualis toTEKO
128
Sanoyej tipakis, tejua yejuan tiktlakaita toTEKO niman tiktlakamati.
2 Uelis tikuas ikan paktli on tlen tlakis, yejuan tiktôkas;
sanoyej tipakis niman nochi tlen tikchiuas kuajli kisas.
3 Ipan mochan, mosiuau yes ken itlaj uvajkuamekatl,
yejuan sanoyej tlaktias ikan uvas.
Iyeualkan momesa, mokoneuan yeskej chijchikatokej
ken iitsmolinajlo sen olivojkojtli.
4 Ijkin tej, kitiochiuas toTEKO
on tlakatl yejuan kitlakaita.
5 ¡Ma toTEKO mitstiochiua desde ne ipan on tepetl Sión,
niman ipan nochi monemilis
xkita on tlen kuajli kiselis on ueyikalpan Jerusalén!
6 ¡Niman Dios ma mitsmaka más nemilistli
para tikintas moxuiuan!
¡Ma onya yolseuilistli ne Israel!