ToTEKO techmaka nochi tlen kuajli
127
Tla toTEKO xejua tlapaleuiya para kichijchiuaj sen kajli,sanenkaj tekitij on yejuan kalchiuaj.
Tla toTEKO xejua kimanauiya sen ueyikalpan,
sanenkaj tlacuidarouaj on soldados.
2 Maski se sanoyej tekitis desde kualkan hasta tlayoua,
niman sanoyej siauis para kitlanis tlen kikuas,
sanenkaj yes,
pampa chika kochij, Dios kiminmaka neseuijli
on yejuan kintlajsojtla.
3 On tokoneuan yejuan tikintlakatiliaj,
sen ueyi tlatiochiualistli yejuan toTEKO techmaka.
4 On tokoneuan yejuan tikimpiyaj ijkuak tichikajtokej,
yejuamej techmanauiyaj,
kenon flechas yejuan ika nomanauiya sen soldado.
5 ¡Sanoyej pakis on yejuan kimpiya miyek ken in flechas!
pampa yejua xkipinajtiskej itlauelikniuan
ijkuak nomanauis de yejuamej imixpan on jueces.