ToTEKO, xtechpaleui oksejpa kuajli ma tinemikan
126
Ijkuak toTEKO otechkixtij ipan on país kampa techpiyayaj esclavosniman oksejpa otechuikak ne Jerusalén,
otikmatkej ken titemikij.
2 Ijkuakon tej, otiuetskakej
niman otitokuikatkej ikan miyek paktli.
Niman ijkuakon, on tlakamej de oksekimej naciones okitokej:
"¡Dios yokichiu uejueyi tlajtlamach impampa on israelitas!"
3 On melauak, toTEKO yokichiu uejueyi tlajtlamach topampa.
Sanoyej otipakkej.
4 Xtechpaleui toTEKO.
Oksejpa kuajli ma tinemikan ken achtoj tinemiyaj,
ijkon kenon xalpatlajkan oksejpa tikxoxouilia
ijkuak titlakiauitia.
5 On yejuan tôkaj ikan chokistli,
pixkaskej ikan miyek paktli.
6 On yejuan chokatiuij ijkuak ontôkaj,
uajnokuikatijtiaskej ikan miyek paktli,
ijkuak kuajkiskej impixkalis.