Dios kinmanauiya ikoneuan
125
On yejuan kitlaliaj inyojlo itech toTEKO,no ijki kojtitokej kenon tepetl Sión.
Yejuamej xkaman kintlaniskej, nion nejkuaniskej.
2 Ijkon kenon tepemej kiyeualojtokej Jerusalén,
toTEKO no ijki kinyeualojtikaj itlapejpeniluan,
aman niman nochipa.
3 On xkuajli tekiuaj, xnochipa yejua tlamandaros ipan on tlajl
yejuan Dios okinmakak itlapejpeniluan,
para ijkon, on ikoneuan Dios xpeuas kichiuaskej tlen xkuajli.
4 NoTEKO, xchiua tlen kuajli
impampa on yejuan kuajli inyojlo,
impampa on yejuan yolmelajkej.
5 Pero on yejuan yauij ipan xkuajli ojtli,
xkincastigaro,
ken tikincastigaroua on xkuajkuatin tlakamej.
¡Ma onya yolseuilistli ne Israel!