Tlamachalistli itech toTEKO
130
Desde ijtik noyojlo kampa más uejkatlan, noTEKO, ninoueyikatsajtsilia motech.
2 ¡Xkaki noTEKO ika nimitsnotsa!
¡Nimitsiknotlajtlanilia xnechkaki!
3 NoTEKO,
tla tejua xtitechtlapojpoluiliskia totlajtlakoluan,
xakaj ueliskia makisaskia.
4 Pero tejua titechtlapojpoluiya,
para ma timitsueyiteneuakan.
5 Ikan nochi noalma nikcha toTEKO,
niman niktlalia noyojlo ipan itlajtol.
6 Nejua nikcha toTEKO,
más xken on soldadojtlajpixkej kichaj ma tlanesi.
No ijki kenon soldadojtlajpixkej kichaj ma tlanesi,
7 ijki xchakan toTEKO nemejuamej israelitas,
pampa yejua nochipa sanoyej tetlajsojtla niman temakixtia.
8 ¡Yejua kinmakixtis on israelitas de nochi intlajtlakoluan!