ToTEKO yejua mitsejeua
121
Ijkuak nikinmajkoita on tepemej ninotlajtoltia:"¿Uelis nechpaleuiskej on dioses
yejuan tlakamej kinmauistiliaj ne ipan on tepemej?
2 Ka, yej san toTEKO uelis nechapaleuis,
yejua yejuan okichijchiu on cielo niman in tlaltikpaktli.
3 ¡Xkaman mitskauilis timalauas niman tiuetsis!
Nion xkaman kochis on yejuan mitsejeua.
4 ToTEKO yejuan kinmejeua on israelitas,
xkaman kochisneki, nion xkaman kokochtikaj.
5 ToTEKO yejua mitsejeua niman mitsmanauiya;
toTEKO nemi moyekmakopa para mitsmanauiya.
6 On tonaltsintli xitlaj mitschiuilis ijkuak tlajokaj,
nion on metstli ijkuak tlayoua.
7 ToTEKO mitsmanauis de nochi on tlen xkuajli;
yejua kimanauis monemilis.
8 ToTEKO mitsejeuas
ijkuak tikisas mochan niman ijkuak tikalakis
aman niman para nochipa.