Noueyikatsajtsilistli ijkuak se itlaj xkuajli ipan nochiuasneki
120
Ijkuak sanoyej najmankamiki, niknotsa toTEKO,niman yejua nechnankilia.
2 Xnechmanaui noTEKO de on tlakajkayajkej
niman de on yejuan istlakatij.
3 ¿Tlinon castigo nenkiseliskej nemejuamej tlakajkayajkej?
4 ¡Mechtsopiniskej ikan flechas yejuan sanoyej kuayakapitstikej,
niman mechtlatiskej ikan on tlixochtli de kojtli retama!
5 ¡Nejua semi nixpolijtikaj
yejuan nichanti inuan on xompayejyeuamej tlakamej
yejuan ken itlaj tepeyolkej tekuanimej
yejuan chantij ne Mésec noso ne Quedar!
6 Sanoyej youejkau nichanti
iminuan on yejuan kitlauelitaj yoltlalilistli.
7 ¡Ijkuak nejua nitlajtoua de yoltlalilistli,
yejuamej tlajtouaj de guerra!