Yekteneualistli para Jerusalén
122
Sanoyej nipaki ijkuak nechijliaj:"Tiauij ipan itiopan toTEKO."
2 Jerusalén, amantsin yotejkokej.
¡Ye tikalaktokej ijtik motsakuijlouan!
3 Jerusalén ueyikalpan, yejuan okichijchijkej
para ompa ma nosentlalikan on israelitas.
4 Ompa uajlauij itribus* toTEKO,
nochi on itribus Israel,
para ompa kiyekteneuaj itokatsin,
ijkon ken okinauatijkaj Israel.
5 Ompa Jerusalén onokej on tronos*
kampa iminreyes on israelitas teyolkuitiaj,
on tronos de iuejkakoneuan David.
6 Xtlajtlanilikan Dios ma onya yolseuilistli ipan Jerusalén.
Ma inyolika nemikan on yejuan kitlajsojtlaj Jerusalén.
7 Ma onya yolseuilistli ijtik on motepanchinan,
nochi kuajli ma onya ipan mopalacios.
8 Niman aman ijkin nikinmijlia nokniuan
niman notlajsojkaikniuan:
"Ma onya yolseuilistli nemopan.
9 Jerusalén, pampa niktlajsojtla itiopan toTEKO Dios,
nimitsnekilia nochi tlen kuajli."