On israelitas kelnamikij ken okiskej Egipto
114
Ijkuak on israelitas, ifamilias Jacob,okiskej Egipto kampa xchanejkej katkaj,
2 on ueyi tlalpan Judá okitlpejpenij toTEKO
para ompa okichijchiu iueyitiopan,
niman nochi on ueyitlalpan Israel okinoyaxkatij.
3 Ijkuak on israelitas okitakej on Chichiltik Mar,
otlapou sen ojtli,
niman no ijkuak okitakej on río Jordán, onoteltij.
4 On tepemej otsikuinkej ikan paktli ken itlaj borregos,
¡niman on tepetsitsimej otsikuinkej ken itlaj borreguitos!
5 Xnechijli mar, ¿tline mopan otlapou sen ojtli?
Niman tejua río Jordán, ¿tline otimoteltij?
6 Niman nemejuamej tepemej niman tepetsitsimej,
¿tline onentsikuinkej ken borregos niman ken borreguitos?
7 ¡Xmolini tlaltikpaktli ixpan toTEKO, ixpan iDios Jacob!
8 ¡ToTEKO okichiu para ipan sen ueyi tetl okuepon miyek atl!
¡Yejua okichiu para ipan on ueyi tetl okis miyek atl chipauak!