Yekteneualistli para toTEKO ipampa itetlajsojtlalis
 
113
¡Ma tikyekteneuakan toTEKO!
¡Xkueyiteneuakan toTEKO,
nemejuamej yejuan nenitekitkauan!
 
2 ¡Ma tikyekteneuakan itokatsin toTEKO,
aman niman para nochipa!
3 ¡Desde kampa uajkisa tonaltsintli hasta kampa kalaki,
ma kiyekteneuakan itokatsin toTEKO!
4 ToTEKO, yejua tlamandaroua impan nochimej on naciones,
¡iueyilis más ueyixtikaj xken on cielo!
 
5 Xakaj okse ijki ueyixtikaj ken toTEKO Dios,
yejuan tlamandaroua ne iluikak
6 yejua uajnopachoua
para uajtlacha ipan cielo niman ipan tlaltikpaktli.
7 ToTEKO kixtia on mayanki kampa sanoyej tlajyouiya,
niman kejkuania ipan tlajsojli on yejuan xitlaj kipijpiya.
8 Niman kintlalia kampa yejyeuatokej
on yejuan uejueyixtokej, yejuan itlapejpeniluan toTEKO.
9 Yejua kichiua para on siuatl
yejuan xueliya tlaskaltia, ma tlaskalti,
niman ijkon, on nantli paki pampa kimpiya ikoneuan.
 
¡Ma tikyekteneuakan toTEKO!