Yekteneualistli para toTEKO ipampa nochi on tlen kichiua
111
¡Ma kiyekteneuakan toTEKO!Ikan nochi noyojlo nikueyiteneuas toTEKO
iminuan nochimej on yejuan yolchipajkej.
2 ToTEKO yokichiu uejueyi tlajtlamach.
Nochimej on yejuan kitaj, sanoyej pakij niman kixtlalouaj.
3 Nochi tlen okichijchiu toTEKO sanoyej kualtsin,
niman ompa tikitaj iueyilis,
niman iyolmelajkilis xkaman tlamis.
4 Nochi tlen yejua yokichiu, xakaj uelis kelkauas.
ToTEKO sanoyej tetlasojtla niman teiknelia.
5 Kinmaka tlen kikuaskej on yejuan kitlajkaitaj;
¡yejua xkaman kelkaua ipacto!
6 Okintitij itlapejpeniluan kech poder kipiya
ijkuak okinmakak on uejueyitlalpanmej
de oksekimej naciones.
7 Yejua kichiua tlen melauak niman ken kitocaroua;
uelis tiktlaliskej toyojlo itech itlanauatiluan.
8 On itlanauatiluan xkaman nopatlaskej;
kisaj ipan tlen melauak niman ipan tlen melajki.
9 Okinmanauij itlapejpeniluan
niman okichiu pacto iminuan para yeyika.
¡ToTEKO melauak yektli niman temojtij!
10 Para se kipiyas tlamatkilistli,
achtoj noneki kitlakaitas toTEKO.
On yejuan kitlakaitaj, kuajli tlamachilistli kipiyaj.
¡ Nochipa ma kiyekteneuakan toTEKO!