ToTEKO kimaka tekiuajyotl on rey
110
Dios ijkin okijlij noTEKO:"Xmotlali noyekmakopa kampa onkaj tlakaitalistli,
hasta kaman nikchiuas para tikintlanis motlauelikniuan."
2 Desde Jerusalén, Dios mitsajtitlanilis on bastón
yejuan mitsmakas tekiuajyotl para titlamandaros.
¡ijkon tej, xkintlankapiya ikan poder, on motlauelikniuan!
3 Motlapejpeniluan notemakaskej ika nochi inyojlo
ipan on tonajli ijkuak titetlanis ne ipan on yektepemej.
Niman kenon ajuichtli yejuan xini cada kualkan,
no ijki monemilis yenkuiyas mojmostla.
4 ToTEKO okimelajkaijtoj ika iyektlajtolmakalis
niman yejua xnoyolpatlas:
"Tejua titiopixki para nochipa san no ijki ken Melquisedec."
5 Dios nemi moyekmakopa para mitsmanauis.
On tonajli ijkuak kualantikaj, kintlanis on reyes.
6 Kinyolkuitis on naciones;
kintepayolos mikatsitsimej.
¡Yejua kintlanis reyes ipan nochi on tlaltikpaktli!
7 Ipan ojtli, kampa onkaj sen río konis atl,
niman on atl kimakas yenkuik chikaualistli.