Yekteneualistli para iueyikalpan Dios
87
Icimientos on ueyikalpan Jerusalén,onkaj ipan on yektepetl.
2 ToTEKO más kitlajsojtla inkalakiyan
on ueyikalpan Jerusalén,
xken on oksekimej uejueyikalpanmej de Israel.
3 ¡Sanoyej mitsueyiteneuaj, tejua Jerusalén, iueyikalpan Dios!
4 Dios okijtoj:
"On yejuan chantij Egipto, Babilonia, Filistea, Tiro
niman Etiopía,
niman nechtekichiuiliaj,
nikimpoua ken chanejkej Jerusalén."
5 Ijkin kiteneuaskej Jerusalén:
"Nochimej yejuamej onochijkej chanejkej Jerusalén."
ToTEKO, akin sanoyej Ueyixtikaj, sano yejua ijki okitlalij.
6 ToTEKO ijkin okijkuiloj ipan on amamoxtli
kampa nestikaj imintoka on yejuan kitekichiuiliaj
ipan oksekimej naciones:
"Yejuamej chanejkej Jerusalén."
7 On yejuan nokuikatiaj, niman nijtotiaj, kijtouaj:
"Tejuamej no tichanejkej Jerusalén."