Dios yejua más ueyixtikaj Juez
82
Dios yejua tlayekanki Juez ne iluikak kampa teyolkuitiua.Yejua kinyolkuitia on jueces yejuan nouikaj ken dioses.
2 Yejua kintlajtoltia:
"¿Hasta kamanon nenkichijtiaskej on xkuajli tekiuajyotl
niman yej nenkimpaleuijtiaskej on xompayejyeuamej?
3 ¡Xkinmanauikan on yejuan xuelij nomanauiyaj
niman on yejuan iknomej!
¡Impan xtlachakan on mayankej
niman on yejuan xitlaj kipijpiyaj!
4 ¡Xkimpaleuikan on yejuan xuelij nomanauiyaj
niman on yejuan mayankej.
Xkinmanauikan intech on xompayejyeuamej!
5 "Pero nemejuamej xitlaj nenkimatij
nion xitlaj nenkajsikamatij;
nenkistinemij ipan tlayouajlotl.
Yejua ika, in tlaltikpaktli uiuixka hasta ipan icimientos.
6 Nejua onemechijlij ika nemejuamej nendioses
ika nenikoneuan on Dios yejuan más ueyixtikaj.
7 Pero maski ijkon onemechijlijka, nenmikiskej,
ken mikij nochimej on tlaltikpaktlakamej.
¡Nenmikiskej ken miki san akinon yejuan tekiuaj!"
8 ¡Ay noDios, xuajla xtlamandaroki ipan in tlaltikpaktli,
pampa tejua moyaxkauan nochimej on naciones!