David noueyikatsajtsilia
(Sal 40.13-17)
70
Ay Dios, ¡xuajla xnechmakixtiki!NoTEKO, ¡más niman xnechpaleuiki!
2 ¡Xchiua para ma nopijpinajtikan, niman ma nopopolokan
on yejuan kinekij nechmiktiskej!
¡Ma chojcholojteuakan ikan impinaualis
on yejuan kinekij nechchiuiliskej tlen xkuajli!
3 ¡Ma chojcholojteuakan ikan impinaualis
on yejuan nechpijpinauiyaj.
4 Pero nochimej on yejuan melauak mitstejtemouaj,
ma kipiyakan paktli.
On yejuan melauak kinekij tikinmakixtis,
nochipa ijkin ma kijtokan:
"¡Dios sanoyej ueyixtikaj!"
5 Niman nejua, yejuan nimayanki niman sanoyej nitlajyouiya,
nimitsiknotlajtlanilia,
¡xnechpaleuiki nimantsin noDios!
Tejua noTEKO, tejua tinechpaleuiya niman tinechmanauiya.
¡Maka xmouejkaua!