Niktlalia noyojlo motech noTEKO ika tejua tinechcuidaros
61
No Dios, xkaki noajmankatsajtsilis.¡Xkaki noueyikatsajtsilis!
2 Desde kampa ontlantikaj in tlaltikpaktli,
nejua ninoueyikatsajtsilia motech,
pampa machisti nimikis.
Xnechtlejkolti ipan sen ueyitetl para xnechmanaui,
3 pampa tejua tinotemanauijkau.
¡Tejua ken titorre yejuan sanoyej kojtitikaj,
yejuan nechmanauiya de on notlauelikniuan!
4 Nejua nikneki nichantis moyektiopan para nochipa,
nikneki niniyantias tlatsintlan de momastlakapaluan.
5 Tejua noDios, tikmati tlinon yonimitsprometerouilij,
niman yotinechmakak on herencia
yejuan tikinmaka, on yejuan mitstlakaitaj.
6 Xmaka ueyi nemilistli on rey;
sanoyej uejkaui ma nemi,
7 niman para nochipa ma tlamandaro mixpan
ikan motlatiochiualis.
Xcuidaro ikan motetlajsojtlalis yejuan xkaman tlamis
niman ken otiprometeroj.
8 Ijkon, nochipa nikyekteneuas motokatsin,
niman mojmostla nicumpliros on tlen onimitsprometerouilij.