Sen ueyikatsajtsilistli para kitlajtlaniliaj itlapaleuil Dios
54
¡Xnechmakixti noDios, ikan mopoder!¡xnechmanaui, pampa tejua nochi ueli tikchiua!
2 NoDios, xkaki noueyikatsajtsilis;
xkaki tlinon nimitsijlia,
3 pampa on yejuan noueyimatij
niman sanoyej kualanij, kinekij nechmiktiskej.
¡Yejuamej xmitsmakajsij!
4 Pero Dios, yejua nechpaleuiya;
toTEKO nechmanauiya para maka ma nechmiktikan.
5 Yejua kichiuas para on notlauelikniuan
imimpan ma nochiua
on tlen xkuajli kinemiliaj kinchiuiliskej oksekimej.
¡Xkincastigaro, noTEKO, niman xkimpopolo,
pampa tejua nochipa tikchiua tlinon tikprometeroua!
6 Nejua, nimitstlauentlalilis ikan paktli
niman nimitsyekteneuas,
pampa tejua sanoyej kuajli moyojlo.
7 Yotinechkixtilij nochi notlajyouilis
niman yonikintlan on notlauelikniuan.