ToTEKO kitlapojpoluiya yejuan noyolkuitia itech
32
Sanoyej pakanemi on yejuan Dios yokintlapojpoluilij nochi itlajtlakoluanniman nochi tlen xkuajli okitechiuilij.
2 Sanoyej pakanemi on yejuan xkipiya tlakajkayaualistli ipan iyojlo
niman yejuan toTEKO xitlaj ika kitlajtlakolmaka.
3 Ijkuak nejua xniknokuitiaya notlajtlakoluan,
nochikaualis tlantiaya,
pampa nochi tonajli nichokaya.
4 Nochi tonajli niman yeuajli nichokaya
pampa tejua noTEKO tinechcastigarouaya.
Machistiya semi ye niuaktikatka,
kenon xochitl yejuan pilini pampa ipan tona.
5 Pero motech oninoyolkuitij;
xitlaj notlajtlakol onimitsiyanilij.
Ijkin onikijtoj:
"Nejua ninoyolkuitis itech noTEKO",
niman tejua noTEKO, otinechtlapojpoluij.
6 Yejua ika, on yejuan mitsneltokaj,
noneki motech noueyikatsajtsiliskej
ijkuak onkaj tlayouilistli,
niman maski sanoyej tlamach xkuajli nochiuas,
yejuamej xitlaj impan nochiuas.
7 Tejua tinechiyana
para maka itlaj nopan nochiuas.
Yejua ika, chikauak ninokuikatia on kuikatl de manauilistli.
8 ToTEKO ijkin kijtoua:
"Nejua nochipa nimitsitstikaj.
Nejua nimitsmachtis niman nimitstlakanonotsas.
Nimitsititis on ojtli yejuan noneki tiknejnemis.
9 Maka xmouika kenon yolki mula noso on caballo
yejuan xijtla kajsikamatij,
yejuan noneki kamapacholtiaj tepostli,
niman kitentilanaj ikan tenmekatl para ueli kiyekanaj."
10 On xompayejyeuamej tlamach impan uajlas tlen xkuajli,
pero on yejuan kitlaliaj inyojlo itech toTEKO,
yejua, kintemiltia ikan itetlajsojtlalis which never ends.
11 ¡Xpakikan itech toTEKO,
nemejuamej yejuan nenyolchipajkej niman nenyolmelajkej!
¡Xpakikan niman xtsajtsikan ikan paktli!