ToTEKO kineki kuajli ma nouika nochi tlakatl
15
NoTEKO,¿Akinon uelis kalakis ipan moyektiopan?
¿Akinon uelis kalakis ipan on yektepetl kampa mochan?
2 Ompa san uelis kalakis on yejuan kuajli nouika,
yejuan kichiua tlen melajki,
yejuan kijtoua ika nochi iyojlo tlen melauak,
3 yejuan xtlamach teteneuilia,
yejuan kichiua nochi tlen kuajli para itlajsojkaikniuan*,
niman yejuan xkipajsoloua inisiuchanejkau.
4 Yejua no xkuelita kenijki nouikaj on xkuajkualtin tlakamej,
pero kintlakaita on yejuan kitlakaitaj toTEKO.
Yejua kitemaka tlen kiprometeroua,
maski kijyouiya itlaj xkuajli.
5 Yejua xkitetlajtlanilia itlanka itomin ijkuak kitetlanejtia,
niman xkiselia ichtakatlaxtlauijli
para itlaj kitechtis se yejuan xkipiya tlajtlakojli.
San akinon yejuan ijkin nouika, xkaman kipolos itlaneltok.