David okitlajtlanilij Dios ma kipaleui
13
NoTEKO, ¿hasta kamanon tinechelnamikis?¿Tlen yotinechelkau para yeyika?
¿Hasta kamanon tinechnotitis?
2 ¿Hasta kamanon xok nikpiyas on ueyiajmantli
yejuan mojmostla nikpiya ipan noyojlo
niman ipan nonemilis?
¿Hasta kamanon notlauelikniuan xok nechtlaniskej?
3 NoTEKO Dios, !xnechita, xnechnankili!
¡Xnechmaka yenkuik chikaualistli, tlamo nimikis!
4 Tla ijkon nochiuas, notlauelikniu kijtos:
"¡Yoniktlan!" Niman noka uetskas ijkuak niuetsis.
5 Pero nejua nikpiya noyojlo ipan motetlajsojtlalis
yejuan xkaman tlamis,
niman noyojlo paki pampa tejua tinechmanauiya.
6 Ninokuikatis himnos para toTEKO
pampa yokichiu nochi tlen kuajli para nejua.